Popular Bible Verses from Luk 17

Share

Naŋ ni me vet munia wa, Tavaraka, van at, nom o nomtup me ge esu ko.

Wa ni ta ge tatas muniko vaga lavearua alo qoŋ tuwale, wa vaga lavearua ta nug kel ma suriko, we vava wa, Nau we nom leas; ko te nomvitag munia.

Wa i tuwale nan neira me ilo si ni me wenewene kel, ti vusiag kel, wa mun o liŋai we poa ti log ronoga God. Wa ti suragia ape nagona peteŋ naraŋona, ti vareania; pa ineia o ta Samaria.

Tur ilo goro kamiu: i tasima ta ge tatas, ka gol vatanaua; wa ni ta nom leas, ka nomvitag napugana.

Naŋ i Jesus we valui ti vet wa, Ira saŋavul tuwale gate wenewene kel? pa ra laveavat, neira avea?

Naŋ i Lord wa, Si o nomtup tamen kamiu tam o siv mustard, kam te vava lai mun o sukomin iloke wa, Sug raka, riv leas alo lama; wa te roŋotag lai kamiu.

Isei qe sike sin kokor goro naatana ni te ge tagea, pa isei qe ge tagea ni te vawota we esu.

Naŋ ni me vava mun ra tiŋqoro anana wa, Tete nonom lai pa si o gene ge tutuag te wot ran ma, panava tur magarosa isei o manigiu apena! We wia ras munia si me ligo o vat galgalolo ape nenena, wa me tul savragia ilo lama, nan ni wa ge tutuag tuwale nan ra mantagai ŋaŋ iloke.

Wa tama me ge ti alo qoŋin i Noa we tuai; te tamaine mulaŋ gina aŋaisa alo qoŋin i Nat tanun. Neira me ganagana, me unun, me laglag, me togatoga amairasei, gai niŋa o qoŋ ilone i Noa me kalo pata ilo aka; wa o liliv me liliv, wa me ge tagea nol neira.