Popular Bible Verses from Luka 7

Share

Lino ndikukulongela ukutigila, umwayuuva uyu áwodziidzwe indzanangifu dzaakwe ndzoloofu, pakuva áwoneesiidze uwende wukomi. Nayu muunu ye áwodziidzwe indzanangifu ngʼeefu, uyo iikwenda lukeefu.” Neke, uYesu amulongelage umwayuuva uyo atigilage, “Úwodziidzwe indzanangifu dzaako.”

Apo, uYesu akumulongelaga kangi umwayuuva uyo iitigilaga, “Ulufuuwo lwako lúkunaniidze. Uhelelage mu lutengamaso!”

Aaviye áfikile, iikwimaga kumbele kwa Yesu, biihi na magulu gaakwe. Iivangaga ukuvemba, amoohodzi gaakwe giidomolelaga mu magulu ga Yesu, kuno iipolosa ni fwili dzaakwe, akuganoonela nu kugabaka amafuta.

Ndikwiwona ukutigila, sindivagiye nambe kwadza ukwako. Lino ulonge ilidzwi swe, umulimila-vangi vangu iinana. Na yuune ndili paanyi pa wutawulilwe. Kangi ndili navo avakolakyanda avali paanyi apangu. Ngana ndimulongele yumwinga nditigile, ‘Helele,’ iihelela. Uyungi, nditigile, ‘Waadze,’ iikwadza. Nu mulimila-vangi vangu, nditigile, ‘Lime ulu,’ iilima.” UYesu pe aapuliike amadzwi ago, iidzumaga mbandu. Neke aliseedukilage ililugu lya vaanu ilyamuniniilaga atigilage, “Ndikuvalongela ukutigila, ndisinaa ndimuwonaga umuunu umunya lufuuwo ulukomi ngita ulu, nambe mu Vaisilaheli vonda!”

Ikivalilo kiikyo, uYesu avananiyaga voloofu ifitamwa fyawo, pamwinga na avaali ni mibepo imiviifu. Kangi avananiyaga avabofu voloofu valolage. Neke avahigage avanyigendwa avo atigilage, “Muhelelage mukamulongele uYohana dzonda dze mukudziwona nu kudzipulika. Avabofu viilola, avasiigenda viigenda, avanya kinyamuvili viivalala, avadibafu viipulika, ávafuwe viidzulubuswa. Kangi avahangala viidalikilwa iMola iNofu.