Popular Bible Verses from Luka 8

Share

Kangi imbeyu iyo iyaagwiliye pa muganga úgunonile, kye kihwananidzo kya vaanu aviipulika ilidzwi nu kuliinatila ni numbula nofu nu wugolofu. Pa kwigugumidza mu lufuuwo, viiveleka ifiveleko.

Iyaagwiliye pa miifwa, ve vaanu aviipulika ilidzwi lya Nguluvi, kangi pambele mu wuumi waawo, ingudo, uwumosi nu wudobofu wa nyi, fiihologotedza. Ulo lukuvahulila vatane ukuveleka ifiveleko.

Iyo iyaagwiliye pa lutalaawe ulungaya muganga, ve vaanu aviipulika ilidzwi lya Nguluvi, viikwanukila nu lukeelo, neke kangi ilidzwi ilyo lingaya midela mu numbula dzaawo. Ava viifuuwa musika mudebe, pe viigemywa viileka ukulifuuwa.

Neke uYesu avawuudzage avanyigendwa vaakwe atigilage, “Ulufuuwo lwenyo luli kwiya?” Avanyigendwa viidzumaga nu koogopa kuno vakwiwuudza nayula nu muyagwe viitigilaga, “Uyu ye ani? Nali livelo na mavingo fikumwidika!”

Iyo iyaagwiliye mu ngʼaasi, ve vaanu aviipulika ilidzwi lya Nguluvi, kangi musika guugo, uSetano iikwadza nu kuhedza ilidzwi ilyo mu numbula dzaawo, ukuta vatane ukufuuwa, valaapokwa.

Luli ewo, dzonda idzili ku kinyele dzilaavedza pa weelu, kangi dzonda ídzifihamiike dzilaakagulika.

Umwayuuva uyo pe aaweene ukutigila iilemwa ukwifiha, iihelelaga kwa Yesu kuno iihilila, akwigwisaga pa magulu gaakwe, akumulongelaga pa miiho ga vaanu vonda ulukaani úlumuhuliye amupamye, kangi ngita kye ánaniidzwe musika guugo. UYesu akumulongelaga iitigilaga, “Mwali vanguave, ulufuuwo lwako lúkunaniidze. Uhelelage mu lutengamaso!”

Neke avanyigendwa vahelelage kwa Yesu, vamulamusage vatigilage, “Mutwave! Mutwave! Twifuwa!” UYesu iilamukaga, iikenyelaga ilivelo na mavingo, giilitamaga, kwivedzaga dzidzidzi!