Popular Bible Verses from Luka 9

Share

Kangi akuvalongelaga iitigilaga, “Ngana umuunu ye avedzaga iisaka ukuuniniila, iitawulilage ngʼaani, ategulage ikipindulihidzo kyakwe, neke aaniniilage ifigono fyonda.

Pakuva umuunu ye avedzaga ye iisaka ukuwupoka uwuumi waakwe, uyo alawuyadza, nayu muunu ye akuwuyadza uwuumi waakwe wiimila wa neene, uyo alawupoka.

UYesu akumulongelaga iitigilaga, “Umuunu ye avedzaga ye ávangile ukulima ni senga, kangi iiseeduka kumbele, uyo asiivagila ukuvedza mulima-malimo ku wutwa wa Nguluvi.”

Lukumuwumbulila kiki umuunu ngana avedze nu wumosi wonda wa lidugulu, neke kangi ayadze uwuumi uwa mbeepali?

Umuunu ye avedzaga ye akuumbonela nyoni uneene ni mbulanidzo dzangu, uMuswamuve va Muunu nave alamuwonela nyoni umuunu uyo pe alaadza mu ndolo dzaakwe, ni dza Daadiye pamwinga na vanyamwandza aviimike.

UYesu iitigilaga, “Amakeve gali ni milindi, ifidege fili ni fyaso, neke kangi uMuswamuve va Muunu angaya kaaya.”

avalongelage atigilage, “Ye akumwanukila umwana umudebe ngita uyu mu litaawa lyangu, akuundzanukila uneene. Kangi ye akuundzanukila uneene, apo akumwanukila uyo ye áanumile. Kwe kutigila, ye mudebe umwenyo nyivonda, uyo ye mukomi.”