Popular Bible Verses from 1 Corinth 15

Share

Laelave, ikiheroe, apavara e, e va aheke iele epavaila; Amua ve horova kiva auhohi leivahaeaki, ehovea e v'ore, eve horova, Amua ve okiharo ve, naoae naoae lei va ka.

Ara Aualari morapaeavila, ehovea elaviila Amua Iesu Keriso ve oki v'ila heaha le heaorapape.

E horahora kalaivahaelue: haela heaha koarai auvahaelula la haela heaha rare aeakilai.

Aka, ehovea Aualari ve ikiheroe meru iele, ara mahovea aeavila; aeva are araro avikiarape la ikiheroe meru naoae au leila, ehovea ara ka horova eapapo leipe — haela oaria va perehekai. Aka la horova ve iele ara va ka, o iele araro koarape Aualari ve ikiheroe meru.

Apaki hoa e, ave kakare iele lahoa? Kapu ita e, a va learia heaorapakilai ha? Apaki hoa ve kakare va mai heaha. Mai heaha ve aheke va pupu la.

Ara ero muruhari eharu v'ila maeaeaive. Elaviila oaria avuku urupa va ka; aka elaviila oaria maea koelarikilai: Hoa haroapo iele, ovohae apukilavaki hoa haroapo hovea, mea maeaila puva hohoaki la hoa. Ehovea puva hohoakilai, aire apihaeape haela oaria mekaka hiki urahukakilai: elaviila oaria lahua leivahaeakilai.

Ehovea haela ve okiharo ve apaki maea horerape — laelave haela ve oki ve api kai uroukive la maea kara horerape. Ehovea Adam ve oki v'ila haela oaria apihaealula; aka hovea hovea Keriso ve oki v'ila haela oaria lei ovokake leivahaeakilai.

Ehovea ma poae leiki eharu are va ovokake hiki leikilai: ma apaki maea va ove ovokake eharu hovea koelarikilai.

Ehovea are va Amua lei lei areve iri haela oaria loa huharakilai. Are va aireaki havahu apaki maea hai ka leikilai.