Popular Bible Verses from Rome 8

Share

Aeva, elaviila ore, Aualari va ikivere leilula la haela, eharu oaria erero koarailula, ehovea Are erero itavape, Areve ikivere horova iele leikive.

Ehovea arave ikikekela maria, apaki hoa, kai aneru, kai amua heaha, kai aheke haela, kai ma hoa ve eharu, kai aireaki kihoreavaki eharu. Akea ve eharu, kai ipi ve eharu, kai eharu oaria kara; ere oaria araro Aualari ve ikiheroe ve hareavaki ore va ka, Iesu Keriso elaviilave Amua ve aeavila la ikiheroe.

Ove kara elaviilave mahuka hoa elaviilara hukapaive. Ehovea elaviila ivaiva veveke mai haveva — aka ove hi i iki hoara ila elaviila ivaiva leilula, la ivaiva oharo hihika hovea e va ka.

Laelave, elaviila ma eharu learia maeaeakilai? Aualari elaviilara la koarakilava, elaviilave iri haela leita hovea leivahaeakilai?

Laelave, Iesu Keriso ve oki auvahaealula la haela au hahaea va ka, ehovea ere va aivau ve oki auvahaea va ka, aka ove la okiharo hiki.

Ehovea ma maea ikivere la leikila haela le apakilai, aka ove ikivere la haela are va ovokake i havila ila aeakilai.

Kaire, elaviila ma eharu oaria heaorapa hiki, ehovea elaviilaro ikiheroe leipe la haela havahu.

Ehovea arave ikikekela elaviila ma hoa ve kakare oaria va perehekai iele: aka aireaki la basileia ve eharu mekaka oaria iele elaviilave ureve hihika leivahaeakilai.

Elaviilara Keriso ve ikiheroe ve leita hareavakilai? — Kakare, aeva heraho, aeva hararuaki mai, aeva eroa, aeva hohera hoa, aeva pura karia, aeva heaha hoa, aeva hahari hoa, ma eharu elaviilara hareava va ka.

Aeva iki ureve haropavila la haela are va Ove ve ikikekela ore, ehovea are va hehe haela v'ila, Aualari ve iki hovea ivaiva leivila.

Ehovea Aualari ve Ove kari auvahaeaki la haela, ere va Aualarive akoremari.

Ehovea aivau ve oki ikivere la haela, ere va aivau ve eharu kelavalula. Aka ove okiharo ikivere la haela ere va ove eharu kelavalula.

Are iki havahu akore avarakive oaoka au leila la Aualari, Are areve maea ve la okiharo elaviilara eharu oaria aikiarakilai.

La Ove iele elaviilave ove ila hareho elaro Aualari ve akoremari rare vavavahaelula. Elaviila akoremari la leivahaeakilava, elaviila va haruku aeaki haela kara. Elaviila Keriso i hareho kakare la leivahaeakilava, elaviila are i hareho haruku aeaki haela, Aualari ve haruku aeaki haela, ehovea elaviila Keriso i hareho lei mekaka leivahaeakilai.

Ma maea ve hiki kekela la haela are va Aualari ve iri haela — ehovea aivau eharu Aualari ve pupu kekela va ka, aeva la pupu kiva leikive haveva.

Ehovea au karikivahaeape haela oaria ikivere eapapo iele Aualari ve akoremari hihika eavavahaeakilai.

Ehovea elaviila ore, au karikivahaeape haela oaria, overa hoa ikiki ma hoa, kakare i heraho ila leivahaeape.