Popular Bible Verses from Aposel 1

Share

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Deka iye koli wai ke isak langane. “Oglou kodong Livou didi aitno deka rere wan bitna bitna keniye ka ma tipolou ke lesen ma tipolou. Iye tona ile ine e umeile ine kovok. Deka aitno lumu kro ke lesen ma wan bitna bitna tipolou kovok.

Alo ka iye dau dong kap ila aposel oklou gesa tiduni pulu e iye wai ke isak langane. “Oku ane umosongon armok Jerusalem ko-vok. Umodong itau ine e umapara ke Pmada ila promis ka oglou ngapalongo lumu ine. Deka eknik-ane umodong ke Jerusalem e umapara ke Ano Itau. Oglou Jon me deka iye paunim osep ke aki. E eknikane dau tauni kovok ma Ano Itau duru me dong ke aitno lumu.”

Oglou osep epmes ina tidue agegeng ke iye e timluk iye ma iye mete. Timluk iye ma iye mete deka iye munu ke ina denga mase iye poga tito ke ina denga. Alo ka iye dau dong ke taklak iye polou ke ila aposel amtarsak deka tivati ila elio isuk isuk e tile omur iye mole metengen e iye dong blang. E iye parere isak ke alo ka mase Ida Tapolngon ma plau omur ka pula keniye. Iye dong ke taklak oklou isapanal.

Yesus wai ila pelengon ke ila disaipel yagos deka Ida Tapolngon ila arit due Yesus tito la egim e ila disaipel tivati iye tito la sep ke gaup ka mana egim. Deka gaup tonari dim iye e tivati iye kovok.

Osep tonari amtarsak dau tinekek dagar ke omur ka Yesus sepe deka lokono osep orwo ka urok klos okou lokono tipolou ke isak e tivri ke galna lisak. Deka osep orwo tonari tiwai ke isak langane. “Umu ka osep Galili ina ina lange omtomu dau tinekek dagar ke omur ka Yesus sepe? Eriar langka eknikane umavati Yesus tito la ke omur heven mase ma iye iding me blang.”