Popular Bible Verses from Aposel 2

Share

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Deka osep keniye ka aitno lisak dagar ke Yesus tiduni pulu kap osep aposel oklou aling aling. E tiklingen osep aposel urok parerengen. Deka tiduni pulu e tingen inarak ngangon e tiwai itau ke Ida Tapolngon ma iye lua isak ke urok elio isuk isuk oklou ka pula keniye.

Deka Ano Itau duru sep ke isak kensak kensak e due aitno lisak e tiwai pelengon bitna bitna ka oglou tile ine kovok.

Tidong ke ninu tonari deka lokono tiklingen ngus ombatno langka engen ombatno ke omur ka egim. Ngus tonari duru me sep ke ninu ka tidong ine. Deka osep keniye ka tidong ke ninu tivati wan langka eiou ene blene duru e tuktuk ke isak kensak kensak. Deka Ano Itau duru sep ke isak kensak kensak e due aitno lisak e tiwai pelengon bitna bitna ka oglou tile ine kovok.

Oklou aling aling aitno lisak kene pulu deka tiduni pulu ke Ida Tapolngon ila ninu. E silang blang tiduni pulu ke urok ninu kene kene deka tigosok tingen inarak ngangon. E aitno lisak neser e itau lokono ke Ida Tapolngon ila makaingan. Deka oklou ka pula keniye tikakai Ida Tapolngon angaine tito la egim lokono. E osep leklou aitno lisak itau ke osep tonari. Alo ari osep leklou blang aitno lisak la dagar ke Yesus deka Ida Puda klok urok elio epmes ina. Deka osep ka iye lua isak tineklep ke osep ka oglou aitno lisak la dagar ke Yesus kodong.

Iye sogo langane. ‘Ida Tapolngon wai mase dau tauni deka alo ka pula ane ina yagosngon ma polou. Deka ma ngapagei Anngong duru sep ke osep pula aitno lisak deka ma iye due lumu napakngan ka arang e apmang aitno lisak deka ma tiwai ke elio bitna bitna ma tipolou. Deka ma lumu napakngan ka auram e ka arang ka namormor ma timunu ansak e tivati ansak.

Deka osep keniye ka aitno lisak dagar ke Yesus tiduni pulu oklou aling aling e tilua pulu ke urok wan bitna bitna. E osep leklou tidue burong ke urok wan leklou deka tidue urok wan tonari ina mani deka titongo ine e leklou la ke osep ka urok wan isuk boto vala.

Alo ari osep seisei ka tipmi ngong ka Upu Puda ma ngalua isak ke urok elio epmes ina ma tivri ke isak kovok.’”

Deka oklou ma polou aivoro e taiko ma polou edimor langka marau. Ma osep tivati nisngen tonari kodong deka ma ngong ka Upu Puda lou oklou ka ombatno lokono polou.