Popular Bible Verses from Luk 7

Share

Deka ngawai ke wom langane. Ida Tapolngon sak apmang ane ila elio epmes ina ka isak pula kodong kesua iye lana iye omba ke ngong. E dau gute ka due elio epmes ina awal boto e Ida Tapolngon sak isak gute tonari lana iye ke osep daudeng.” Deka Yesus wai ke apmang langane. “Ngasak lem elio epmes ina kodong.”

E Yesus wai ke apmang tonari langane. “Aitno lugom ila dagar lua wom ke lem elio epmes ina kodong. Amla e aitno lugom epen.”

E iye dong ke Yesus dogurne olwo boto ke kamla e kngis omba e bitna olune baser e due Yesus kamla polou epi deka apmang sak kamla ke apna elilo e ene ngen Yesus kamla aling pula e baser wel ka amna itau ke kamla.

Ke batne langane aitno lungong mter ngakaranga ngauti ke wom kovok. E amwai vala e lou gute bokongon ina ma polou itau blang. Kesua ngadong moli ke osep ka tiplau ngong e silang blang ngaplau osep ola ina blang. E ngawai ke gute kene ‘amla’ e iye la e ngawai ke gute silang ‘omo’ e iye me. E ngawai ke lou gute bokongon ina ‘omdue wan ane’ e iye due.” Deka alo ka Yesus klingen gute tonari ina ila pelengon iye digrik ine. E iye bauluk wai ke osep pula pula ka tididi iye langane. “Ngawai ke umu langane. Ngapado gute kene vala ke omur Israel kovok ka aitno dagar langka gute are aitno dagar.”

E alo ari Yesus due osep pula ka paiangan bitna bitna due isak tipolou itau blang e iye sapir angelo soulu ke osep leklou e iye due osep leklou ka amtarsak evin ma tikaranga tivati omur blang. E iye koli wai ke isak langane. “Umala e umapalongo Jon ke wan ka umavati e wan ka umoklingen ine. Osep ka amtarsak evin tikaranga tivati omur blang e osep ka kamsak mete tikaranga tilila blang e osep ka paiangan lepra due isak tipolou itau blang e osep ka talsak karanga klingen pelengon kovok tikaranga tiklingen pelengon blang e osep ka timete tipoga titito ke inarak denga e osep ka urok wan isuk boto vala tiklingen omon itau.