Popular Bible Verses from Mak 6

Share

Deka Yesus wai ke ila aposel langane. “Itala ke omur ka osep tidong ine kovok ma itomtong ine.” Yesus wai langane kesua osep pula dau time tipolou ke isak deka tikaranga tingen inarak ngangon gesa kovok e elio ane opru isak.

Yesus ile osep tonari aitno lisak deka iye wai ke isak langane. “Langka gute napaprangan ina dong io osep pula tidue anit ke iye. E osep ka tidong ke gute napaprangan ina ila armok batne e osep ke ila osua e osep ke ila sorip tidue anit ke iye kovok.”

Alo ka Yesus gosok sisrok tipolou ke burla Yesus vati osep pula ka tidong tipara ke iye. Iye vati isak deka aitno kro ke isak kesua iye vati isak tidong langka sipsip ka inarak plaungan dong kap isak kovok. Deka iye nogrum parere isak ke pelengon pula.

Yesus ile osep tonari tipli iye deka iye karanga due ila elio arit ina pula ke armok tonari kovok. E limla kai gute kene kene vala ka paia e lua isak. Iye vati urok elio tonari deka aitno mter pula ine. Kesua osep tonari aitno lisak dagar ke iye kovok. Deka iye lila la ke armok pula vala e parere osep pula.

Tiduni pulu yagos deka Yesus due bret elme e lodu orwo tonari deka bitna tito la ke omur ka egim deka iye wai tenkyu ke Ida Tapolngon ine. Iye wai tenkyu yagos deka iye tuktuk bret tonari e kare ke ila disaipel ma titongo ine ke osep ka pula keniye. E iye due lodu orwo tonari e tuktuk isak karanga osep ka pula keniye. Osep keniye tingen ngangon tonari ma tigot. Deka Yesus ila disaipel titagom bret e lodu emkil emkil tisep ke kerka songotno orwo e kerka tonari bon.