Popular Bible Verses from MARAKO 13

Share

Ta imamana a loro ku ŋutulu giri ku kulia ti kari kuwe kine. ’Bo ŋutu laga ku teili lo rile yeŋadru tozo i ’dute yu ilo, nyelo irite.

Gbo’dita go ku konye‚ igbonaga ta aku deni adi luŋa ŋanilo igbo’da nanu ina.

Ku ko laga amoga ta i tikindra na ta i ŋera na kulia nu‚ teiliko kasu kilo ka’bi ku ’do’do ’do’do a nze ku kulia naga ma ta ku tazini kine. Taneta kulia na ititiki ta i tayi i lu luŋa de kine‚ igbonaga ŋutu laga lo tazulo agbo’da a tani‚ ’bo a Yuka Nakiyena ina.

Dikona ku kana ilelenga, ’bo kulia kuwe kine aka lengani.

“ ’Bo lu luŋa de ku nu baŋe de le’de ŋutu aku deni tro‚ kugbo malaika ti ’diko kilo‚ kugbo Ŋirolo‚ gele’du Monye laga adeni.

Ku ta laga ayinga kulia ti moro ku ti nyaŋiliza na ’beri‚ teiliko kasu kilo ka’bi ku ’do’do ’do’do‚ igbonaga kine kuliata de kine ipupuru ina‚ ’bo luŋa lo ’dute na kanalo inga aku yeŋundra.

Kuwade gbo’dita ku konye‚ igbonaga ta aku de adi monye’balo ipondra nanu‚ ŋona kotria‚ kugbo i tukaze kide‚ kugbo i sira na sokoro‚ kugbo kutamalu, lepe ka’bi ku pondra wuleŋa gele ku rumbi ta i toto. Kulia naga ma na takindri ta kine‚ na takindra ŋutulu giri adi‚ Gbo’dita ku konye.”

’Bo zuro kilo iŋiŋiye i moro ku zuro ku’de kilo‚ tumatana ku tumata ne’de. Dodonga na kana igbo’da i pirito ka’de ka’de‚ magona igbo’da itro. ’Bo kine kulia de a suluwe na dreliesina.

Kuu na’buna itrutrukozi ku zuro kilo yu giri a nze.

Ŋutulu rodri ipopondra ku kari kuwe kine‚ lo ikulia adi‚ ‘Na a lepe.’ Ko i’do’dolara kuweto ti ŋutulu rodri kine a bada.

“ ’Bo tineta ti ’beri‚ igbonaga ko ititikindra ta ku kayolo ti kuliata kilo‚ i kiro i kadizi naga a momoreta kine kata yu ina. Ta ililira ku lo’bizoki ku mataki kilo i koŋo yu‚ ku kulia kuwe kine‚ i ’dutukindro na ko bo na kuliana.

’Bo Kristo laga a ’bureniko kilo ku kakeyo ti to’bure kilo iŋiŋiye i kpeza na kpiyeta kilo ku wonyesi kilo i ’bo’boliza na ŋutulu laga anyume kilo kuwa roromoki.

“ ’Bo i kulu luŋa de‚ i bo na sasanyana, kolona isosomuko, yapalo aka kpekpezani, kasiri kilo i’do’do ’do’do i ’diko yu ka‚ teriŋito ti ’diko kine idodoŋa dodoŋa.