Popular Bible Verses from MARAKO 12

Share

Yesu druga teyitokindro lepe adi‚ “Kayona gbo de‚ ‘Isiraeli kilo‚ yiŋeta: Mata Ŋun likalo‚ Matalo ilo gele. ’Bo nyare Mata Ŋun lolulo ku teili lolulo giri‚ ku ru nonuna giri ku rambu nonuna giri‚ ku teriŋi nonuna giri.’ Togi murena nyena de: ‘Nyare ŋutulu lo saka konu gurubeni kilo be na nyadrini do muguna.’ Kukuzu ne’de naga na rodru kine de ’bayi.”

Yesu druga lungu lotodiniki kanye kilo kanyeni, druga takindra ko adi‚ “Na takindra ta a ’diri‚ ina awuzi naga a lemeri ina de agupakindra alangu ŋutulu giri laga lo gumba i piri na gumani riye kata yuna. Ko giri gumba ’doketa kilo de ŋiyu i tokorine nasena katani‚ ’bo lepe naga a lemerina‚ agupakindra kapa kanye giri laga ti telemera, laga a kapazi ti lepe ti ru itro kilo giri.”

Ku Yesu laga agbi’diki ka i piri na gumani riyena i koŋo yu‚ lepe druga bonga mongoyo na ŋutulu i naga ma ko gumbi riye i piri na gumani riyena kata yu ina. ’Bo korineko kilo rodri agumba riye kine rodri. Nyenaga awuzi naga a lemerina apondra, druga gupakindra sente naga a na’di’diki mure‚ ko gbo a senteta druma gele.

Ku do nyadru lepe ku teili giri‚ ku dendrana giri‚ ku teriŋina giri‚ ’bo ku do nyadru ŋutulu laga konu gurubeni kilo be na nyadrini do muguna‚ kine kulia de arodru kapazi giri laga ma ŋutulu ’udri ku ’i’izi kilo.”

Yesu druga takindra ko adi‚ “Tikita Kaisari kapazi ti Kaisari kilo‚ ’bo tikita Ŋun kapazi ti Ŋun kilo.” Ko druga rambu ’beri ku kulia ti lepe kine koru.