Popular Bible Verses from साल्न्हाका चात्या 1

Share

जेलाउ पबित्तरो आत्मा नाअ् ह्रुता ल्वावा कालाउ नेलाइ सरबुङ निङस्वाना, कालाउ नेलाइ यरुसेलेम सहरता, सारा यहुदिया जिल्लाता, सामारिया जिल्लाता कालाउ सुमिङको गोताङ थामेगेलाइता द्‍याङगेलाइहेङ काङको बारेता दोअ्स्वाना।”

येसु इम्बालाइहेङ दोअ्हि, “काङको आबा दोफा खिनिङ बेला माकुनु सोमोइ निर्नय पालि खाबारा हि। नेलाइहेङ इदोइ काथागेलाइ गिलि आवस्यक मान्थु।

ए सोमोइता जेलाउ येसु ताइको चात्यागेलाइ दोफा चालि योम्लाउ वा इम्बालाहेङ आग्या पिहि, “नेलाइ यरुसेलेम सहर मालाअ्सु, कालाउ काङको आबा नेलाइहेङ प्याङका दोअ्का बरदानहेङ ह्रुम्तेङ हिसु। याको बिसोइता नेलाइ काङकोसो लाम्फाङ हिङलि दोका हिसुना।” युहान्‍ना द्‍याङगेलाइहेङ चिको बप्तिस्ता पिहि, कालाउ आले दिना न्हुसो परमेस्वर पबित्तरो आत्माहेङ नेलाइ दोफा हिलि दिङगिल्लावा।

कालाउ न्हुसो येसु दुख भोगितेङ सिहि कालाउ वा न्हे कुरि दिना थेकापा इम्बालाइकोता हेन्जाङखे तिङचालाहि कालाउ खाल-खाल्को प्रामानगेलाइसो ताइमिहेङ सिन्हुका हिघा दोअ्तेङ तिङपाहि। कालाउ वा इम्बालाइ दोफा परमेस्वरको सासनको बिसोइता काथा पाहि।

येसु या काथागेलाइ दोअ्लि दोतेङ, इम्बालाइ खाङका खाङकाताङ परमेस्वर येसुहेङ स्वर्गता तोल्लेहि, कालाउ बादेलको कारनहोइ इम्बालाइ आरोङ हेलाउ बुङ येसुहेङ तिङलि मादोहि।

जेलाउ इम्बालाइ येसुहेङ हानिकाताङ पालाउ भाङ-भाङतेङ आकास भारि खाङतेङ हिघाहि, कालाउ एन्सालाउ दोङ जे:का धाबा होङका न्हेमि द्‍याङगेलाइ इम्बालाइको भेरपा जाअ्हि। इम्बालाइ दोअ्हि, “ओइ गालिल जिल्लाको द्‍याङगेलाइ, नेलाइ हाइ पालि आकास भारि खाङकाताङ जाअ्तेङ हिसुन्हा? ओदोङ येसु जाइहेङ परमेस्वर नेलाइकोसो स्वर्गता चुम्पुहि, एला जेसाङ नेलाइ वासेहेङ स्वर्गता हानिका तिङसुन्हा, एन्साङ दोङ वा आरोङ घुरितेङ ल्वाङ।”