Popular Bible Verses from John 4

Share

Neħ ne'huh not'hwaaˑiħ' haaˑyaħ'daˑdeħ' Naˑwĕnˑniˑyòħ'; da neħ' dih kuh haaˑdi'yaħˑdaaˑdeħ no̱ˑwa̱'iˑwaˑyă̱ˑnih, tgaˑgo̱nt' neħ ne gaˑiˑwaˑgwĕnˑniˑyòħ, otˑhwa'isˑhăˑgo̱o̱' gwaħˑhuh nă̱nˑtoˑdiˑa'wihˑdah'go̱ˑo̱o̱k' heh ă̱ˑo̱ˑwa̱'iˑwaˑyă̱'niˑaak.

Neħ gwaa' heˑniˑga'isˑdaaħˑes' daaˑweħ, neħ kuh nă̱ˑgă̱ă̱ neˑwaħ oˑnă̱h', noˑnă̱h ne gaˑi'waˑgwĕnˑniˑyòħ' iˑgă̱ă̱ he'o̱ˑweh niˑye'iˑwaˑyă̱ˑnih, tgaˑgo̱nt' neħ notˑhwa'isˑhă̱ˑgo̱o̱ kuh ne gaˑi'waˑgwĕnˑniˑyòħ ă̱ˑya'goˑdye'ăħˑdah'go̱ˑo̱o̱k' heh ă̱'o̱ˑwa̱'iˑwaˑyă̱'niˑaak Nooħ'nih; neħ să̱ħ'ă̱h hihˑsaas Nooħ'nih ne' neħˑhuh iˑgă̱ă̱ niˑyòħ'dă̱ă̱h neh, ă̱'o̱ˑwa̱'iˑwaˑyă̱'niˑaak.

Neħ gwaa' neh, so̱n'diħˑgwa'naħˑot ă̱ˑye'neˑge'ăħ no'neˑgaˑnòs niiħ nă̱'eeˑno̱nt', tă̱ħˑă̱h' deˑwă̱nˑdo̱h' to̱ˑsa'aħˑdaatˑhă̱h; neħ gwaa' no'neˑgaˑnòs' niiħ nă̱'eˑno̱nt, dyòtˑgo̱nt' naeh naˑyaħ'daˑgo̱o̱ ă̱ˑdyo'nyaˑă̱h'seek neˑwaħˑo'iˑwaˑdaˑdyeħ'gĕh yo̱hˑheħ'o̱ˑweh.

Detˑhòs'nyeħˑo̱h ne Jeˑsus', shaˑgaˑwă̱ˑo̱h'seeh, Neħ' giħˑshă̱h ne' teħˑsyă̱nˑdeeˑih heˑno̱ħˑdooˑyaħ'doˑweeh'do̱h Naˑwĕnˑniˑyòħ', neħ kuh ne teeh'so̱ˑgweħ'daˑyă̱nˑdeeˑih' ne yă̱ˑo̱h'seh dakˑneˑgaˑno̱nt; neħ'' na'eˑsaˑgweeˑnyo̱o̱h'' naˑeˑsaˑdo̱'eˑsyo̱h'go̱h haaˑyaħ'daˑdeħ, neħ' na'oˑgwe'nyo̱sˑo̱h neħ' a'aˑyaˑwiih no'neˑgaˑnòs' ne' yo̱hˑheħ'o̱ˑweh.

Neħ naˑgo̱ˑyă̱ˑo̱h'seeh ne Jeˑsus, Neħ' niiħ aˑgeek'hwaħ', ne' neħˑhuh nă̱nˑdwa̱ˑgye'a̱nˑdyeħ' he'nitˑhoħ'niˑgooħ'dă̱ă̱h ne taˑgeh'haħˑo̱h, neħ kuh nă̱ˑgaˑdyă̱'nòħkˑdă̱ħ noˑi'oħˑdas'hăħ.

Neħ ne sho̱ˑwă̱'o̱hˑseeh ne yaˑgo̱o̱ˑgweh', Syaħ'daˑgwĕnˑniˑyòħ, tă̱ħˑă̱h' waeh deħˑsaaˑyă̱ħ' naah'seˑjă̱h'dak; neħ gwaħˑhuh' noˑyaaˑdees' heˑyeˑjă̱h'dahˑgwaħ; ga'ă̱ˑo̱ˑweeh' di ne gă̱ă̱ħ' dasˑha'wihˑdak' ne yo̱hˑheħ'o̱ˑweh no'neˑgaˑnòs?

Neħ ne sho̱ˑwă̱'o̱hˑseeh ne yaˑgo̱o̱ˑgweh', aˑgă̱'no̱hˑdo̱ħ' naeh he' daˑeħ ne Mesˑsiah, ne Christ' ho̱ˑwa̱ˑyaas; da neħ' noˑnă̱h' ă̱'o̱ˑyo̱ħ', oˑi'waˑgweˑgo̱h' neħ ă̱sˑho̱'gwaˑoˑwih. Neħ ne shaˑgaˑwă̱ˑo̱hˑseeh ne Jeˑsus, Iiħ' waeh ne'huh nă̱ˑgă̱ă̱ ne go̱sˑnyeħ'seh.

Daˑjah'dă̱nˑdih, sheˑswaˑgă̱h no̱''gweh, neˑyò'iˑwaˑgweeˑgo̱h' waak'hyóˑwiħ' he'niˑwa'gaˑdye'ă̱h; Tă̱ħˑă̱h gă̱h' deħˑneeħ' nă̱ˑgă̱ă̱ ne' Christ?