John 4
4
1Neħˑhuh dih niˑyòòˑweħ' noˑnă̱h' Na'yaħ'daˑgwĕnˑniˑyòħ' waaˑyă̱nˑdeeħ' hoˑdiˑwa'o̱o̱ˑgă̱ħ' ne Phaˑriˑsees, heh oħˑto̱'wa̱ˑgă̱ă̱ˑniħ' ne John heh gotˑgaħˑdeħ, naeh', ne Jeˑsus waˑo̱ˑwa̱ˑiˑwaˑgwĕnˑni'yòs neħ' kuh ne weeˑsòħ' ne bapˑtism wa'go̱ˑye'ăħˑdah'gwă̱ħ;
2(Neħ gwaa naeh ne Jeˑsus' naˑgwas' haˑo̱hˑhwa̱ħ, tă̱ħˑă̱h' naeh deˑa'go̱ˑye'ăħˑdah'gwaˑnih ne bapˑtism, neħ' gwaa' naeh naˑgo̱'iˑo̱ˑnyaˑnih,)
3Neħ nòò'tăˑdaˑdo̱h' ne Juˑdea, neħˑhuh' aeħ' shotˑgo̱n'dahˑgo̱h ne Gaˑliˑlee.
4Da neħ' dih noħˑga'iˑwaˑyă̱n'daħtˑheħ ne' neħˑhuh ă̱ˑa̱'at ne Saˑmaˑria.
5Oˑnă̱h' neħˑhuh' hoˑyo̱s'o̱h heˑga'no̱nˑdaˑyă̱ħ, he'dyo̱ˑă̱nˑjaˑdeħ' ne Saˑmaˑria, neħ' ne Syˑchar gaˑyaaˑso̱h, dosˑgă̱'o̱h heˑniˑyo̱ˑă̱nˑjaaˑdeħ' ne Jaˑcob hoˑwii noˑaaˑwak' Joˑseph.
6Da neħ ne Jaˑcob haˑjă̱h'dahˑgwak' ne neħˑhuh dyò'yaaˑdeħ. Da neħ dih ne Jeˑsus oˑnă̱h deˑos'geˑeˑyo̱o̱h, heh hatˑha'iˑneħ, neħˑhuh heˑyeˑjă̱h'dahˑgwaħ' wa'aˑdyă̱ă̱ħ; neħˑhuh' no̱o̱ oˑnă̱h' ne yeeˑiħ chiˑyò'isˑdaaħˑeeh chiˑga'wiħs.
7Da neħ', ne' neħˑhuh goˑyo̱s'o̱h ne' yaˑgo̱o̱ˑgweh Saˑmaˑria na̱ħˑaˑga'ă̱ˑjoħˑdă̱ħ yeˑjă̱'eħ; Shaˑgaˑwă̱ˑo̱h'seeh ne Jeˑsus, Neh' ne daaˑgo̱h' nă̱kˑne'geˑăħ.
8(Neħ să̱ħˑă̱h' naeh naˑgo̱'iˑo̱ˑnyaˑnih', neħˑhuh' heˑoˑneeˑno̱o̱h he'tgaˑno̱nˑdaˑyă̱ħ, hoˑdii'niˑno̱'no̱o̱h niˑyees.)
9Oˑnă̱h' deˑdya'gosˑnyeħ'o̱h, ne' yaˑgo̱o̱ˑgweh', ho̱ˑwă̱'o̱hˑseeh, Aˑniˑyòħˑdă̱ă̱ niis' nă̱ˑgă̱ă̱, Jew no̱ħˑsyaħ'doħˑdă̱ħ, sgaˑdo̱ˑeˑsyo̱h'gwaˑnih naa'go̱ˑneˑgaˑno̱nt iiħ nă̱ˑgă̱ă̱ go̱'gweh Saˑmaˑria no̱ˑgo̱'ă̱ˑjoħ'dă̱ă̱ħ, neħ să̱ħˑă̱h ne Jews tă̱ħˑă̱h deˑoˑno̱nˑdi''waˑdeħ ne Saˑmarˑiˑtans.
10Detˑhòs'nyeħˑo̱h ne Jeˑsus', shaˑgaˑwă̱ˑo̱h'seeh, Neħ' giħˑshă̱h ne' teħˑsyă̱nˑdeeˑih heˑno̱ħˑdooˑyaħ'doˑweeh'do̱h Naˑwĕnˑniˑyòħ', neħ kuh ne teeh'so̱ˑgweħ'daˑyă̱nˑdeeˑih' ne yă̱ˑo̱h'seh dakˑneˑgaˑno̱nt; neħ'' na'eˑsaˑgweeˑnyo̱o̱h'' naˑeˑsaˑdo̱'eˑsyo̱h'go̱h haaˑyaħ'daˑdeħ, neħ' na'oˑgwe'nyo̱sˑo̱h neħ' a'aˑyaˑwiih no'neˑgaˑnòs' ne' yo̱hˑheħ'o̱ˑweh.
11Neħ ne sho̱ˑwă̱'o̱hˑseeh ne yaˑgo̱o̱ˑgweh', Syaħ'daˑgwĕnˑniˑyòħ, tă̱ħˑă̱h' waeh deħˑsaaˑyă̱ħ' naah'seˑjă̱h'dak; neħ gwaħˑhuh' noˑyaaˑdees' heˑyeˑjă̱h'dahˑgwaħ; ga'ă̱ˑo̱ˑweeh' di ne gă̱ă̱ħ' dasˑha'wihˑdak' ne yo̱hˑheħ'o̱ˑweh no'neˑgaˑnòs?
12Neħ' gă̱h, neh si''gwaa heˑniˑsa'yaħˑda'năˑăˑgwat, naeh heˑniˑò'yaħˑdaˑnăă'gwahˑdo̱'no̱ħ ne Shaˑgwaħ'nih Jaˑcob, nă̱ˑgă̱ă̱ ne' sho̱ˑgwaˑwiih' heˑyeˑjă̱h'dahˑgwaħ, neħˑhuh' kuh haaˑneˑgeˑăħ'dahˑgwak' ne'aˑo̱ˑhwa̱ħ, kuh nookˑsaħ'daħˑsho̱ħ, kuh noosˑhe'nă̱ħˑsho̱ħ?
13Detˑhòs'nyeħˑo̱h ne Jeˑsus, Shaˑga'wă̱ˑo̱h'seeh, So̱n'diħˑgwa'naħˑot ă̱ˑye'neˑgeˑăħ nă̱ˑgă̱ă̱ o'neˑgaˑnòs', ă̱ˑje'aħˑdaatˑhă̱h neˑhuh naeh;
14Neħ gwaa' neh, so̱n'diħˑgwa'naħˑot ă̱ˑye'neˑge'ăħ no'neˑgaˑnòs niiħ nă̱'eeˑno̱nt', tă̱ħˑă̱h' deˑwă̱nˑdo̱h' to̱ˑsa'aħˑdaatˑhă̱h; neħ gwaa' no'neˑgaˑnòs' niiħ nă̱'eˑno̱nt, dyòtˑgo̱nt' naeh naˑyaħ'daˑgo̱o̱ ă̱ˑdyo'nyaˑă̱h'seek neˑwaħˑo'iˑwaˑdaˑdyeħ'gĕh yo̱hˑheħ'o̱ˑweh.
15Neħ ne sho̱ˑwă̱ˑo̱hˑseeh ne yaˑgo̱o̱ˑgweh', Syaħ'daˑgwĕnˑniˑyòħ, dakˑno̱nt nă̱ˑgă̱ă̱' o'neˑgaˑnòs', neħ' dih neh, to̱o̱'sakˑhaħ'datˑhă̱h; tă̱ħˑă̱h' kuh' taħˑdo̱o̱ˑdaˑgeet' ne do̱nˑdaˑge'jă̱ˑeħ.
16Shaˑga'wă̱ˑo̱h'seeh ne Jeˑsus, Sah'dă̱nˑdih, hwaˑe'jiˑno̱o̱k ne' deˑjaˑdii', da gaˑòħ' kuh no̱ħˑdă̱ă̱ˑcheeħ.
17Deˑdyaˑgòsˑnyeħ'o̱h ne yaˑgo̱o̱ˑgweh, gaˑwă̱ă̱', tă̱ħˑă̱h niiħ' deħˑaˑgeˑnyaˑgo̱h. Neħ noħ'shaˑgaˑwă̱ă̱'o̱s' ne Jeˑsus, Neħ ne' dahˑsyeˑis' he'neˑsa'wă̱ˑno̱ˑwă̱h, Tă̱ħˑă̱h niiħ' deħˑa'geˑnyaˑgo̱h.
18Neħ să̱ħ'ă̱h waeh, ne wĭs' niˑsa'nyakˑheħˑo̱h; da neħ' nă̱ˑgă̱ă̱ ne'waħ deˑjaˑdii', tă̱ħˑă̱h' deħˑneeħ' deħ'jiˑnyaˑgo̱h; gaˑi'waˑgwĕnˑniˑyòħ' dih ne' neħ noħ'siħ.
19Neħ ne yaˑgo̱o̱ˑgweh' ho̱ˑwă̱'o̱hˑseeh, Syaħ'daˑgwĕnˑniˑyòħ, neħ ne geˑgaħ'ă̱ˑyo̱'o̱h, Saˑdo'gă̱sˑdaaˑnih' ă̱ă̱ħ'no̱o̱.
20Neħ nakˑhiħ'nisˑho̱ħ'gă̱ˑa̱a̱ħ neħˑhuh' hă̱ˑno̱n'dă̱ˑno̱ˑyă̱nˑdah'gwak nă̱ˑgă̱ă̱' o'no̱nˑdaˑdeħ; neħ' dih niis' ne swaˑdo̱h', Jeˑruˑsaˑlem neˑgă̱ħ' he'o̱ˑweh gaˑiˑwaˑyă̱n'dahˑgo̱h aˑă̱'no̱nˑdă̱ˑno̱ˑyă̱n'dahˑgwaak no̱ˑgweh.
21Shaˑgaˑwă̱ˑo̱h'seeh ne Jeˑsus, Si'o̱h, daˑgi'waˑgwĕnˑniˑyòs', neħ' ne daaˑweħ' heˑniˑga'isˑdaaħˑes, noˑnă̱h' neħ' nă̱ˑgă̱'a̱a̱k deħˑjiˑswaˑgweeˑnyo̱o̱', ha'eħˑgwah nă̱ˑgă̱ă̱ oˑno̱n'daˑdeħ', tă̱ħˑă̱h' kuh ha'eħˑgwah ne Jeˑruˑsaˑlem, ne do̱'sasˑheˑswaˑă̱h'să̱ˑo̱ˑnyo̱o̱ħ' Nooħ'nih.
22Neħ' swaˑdă̱ˑno̱ˑyă̱ˑniħ', ne tă̱ħ'ă̱h deħˑòs'to̱o̱h deħ'swaˑyă̱nˑdeeˑih; neħ' niiħ' naˑgwa'yă̱ˑdeeˑih' naˑgwa'iˑwaˑyă̱ă̱ˑnih, neħ să̱ħ'ă̱h haaˑdi'yaħˑdaaˑdeħ' ne Jews' ne'huh dyaˑweh'dahˑgo̱h ne jaˑgo̱ˑyaħˑda'gwatˑhaħ.
23Neħ gwaa' heˑniˑga'isˑdaaħˑes' daaˑweħ, neħ kuh nă̱ˑgă̱ă̱ neˑwaħ oˑnă̱h', noˑnă̱h ne gaˑi'waˑgwĕnˑniˑyòħ' iˑgă̱ă̱ he'o̱ˑweh niˑye'iˑwaˑyă̱ˑnih, tgaˑgo̱nt' neħ notˑhwa'isˑhă̱ˑgo̱o̱ kuh ne gaˑi'waˑgwĕnˑniˑyòħ ă̱ˑya'goˑdye'ăħˑdah'go̱ˑo̱o̱k' heh ă̱'o̱ˑwa̱'iˑwaˑyă̱'niˑaak Nooħ'nih; neħ să̱ħ'ă̱h hihˑsaas Nooħ'nih ne' neħˑhuh iˑgă̱ă̱ niˑyòħ'dă̱ă̱h neh, ă̱'o̱ˑwa̱'iˑwaˑyă̱'niˑaak.
24Neħ ne'huh not'hwaaˑiħ' haaˑyaħ'daˑdeħ' Naˑwĕnˑniˑyòħ'; da neħ' dih kuh haaˑdi'yaħˑdaaˑdeħ no̱ˑwa̱'iˑwaˑyă̱ˑnih, tgaˑgo̱nt' neħ ne gaˑiˑwaˑgwĕnˑniˑyòħ, otˑhwa'isˑhăˑgo̱o̱' gwaħˑhuh nă̱nˑtoˑdiˑa'wihˑdah'go̱ˑo̱o̱k' heh ă̱ˑo̱ˑwa̱'iˑwaˑyă̱'niˑaak.
25Neħ ne sho̱ˑwă̱'o̱hˑseeh ne yaˑgo̱o̱ˑgweh', aˑgă̱'no̱hˑdo̱ħ' naeh he' daˑeħ ne Mesˑsiah, ne Christ' ho̱ˑwa̱ˑyaas; da neħ' noˑnă̱h' ă̱'o̱ˑyo̱ħ', oˑi'waˑgweˑgo̱h' neħ ă̱sˑho̱'gwaˑoˑwih.
26Neħ ne shaˑgaˑwă̱ˑo̱hˑseeh ne Jeˑsus, Iiħ' waeh ne'huh nă̱ˑgă̱ă̱ ne go̱sˑnyeħ'seh.
27Da neħˑhuh niˑyòˑweħ' oˑnă̱h' hoˑdi'yo̱sˑo̱h naˑgo̱'iˑo̱ˑnyaˑnih, neħ ne waˑoˑdi'waˑnăă'gòħ heh ye'o̱h ne deˑo'ditˑhaaħ; tă̱ħˑă̱h gwa deħˑsha'yaħˑdaatˑah no̱'gweh deˑaˑwă̱ă̱ħ', Aˑnaħˑot' siħˑsaas'? neħ' giħˑshă̱h na'ă̱ħ, A'naeh goˑwaa' neħ' deˑjiitˑhaah?
28Neħ ne'huh sho̱ waħˑo̱o̱tˑgaħ ne' yeˑneˑgăăh'gwaħ ne yaˑgo̱o̱ˑgweh, goħˑdă̱n'dyo̱sˑo̱h gaˑno̱nˑdaˑgo̱o̱' he'jaˑgaˑweˑno̱o̱, neħ no̱ˑwă̱'nă̱ˑo̱h'seeh nă̱ă̱'no̱ˑgweh',
29Daˑjah'dă̱nˑdih, sheˑswaˑgă̱h no̱''gweh, neˑyò'iˑwaˑgweeˑgo̱h' waak'hyóˑwiħ' he'niˑwa'gaˑdye'ă̱h; Tă̱ħˑă̱h gă̱h' deħˑneeħ' nă̱ˑgă̱ă̱ ne' Christ?
30Oˑnă̱h' hoˑdiˑyaˑgă̱ħ'o̱h heˑgaˑno̱nˑdaˑyă̱ħ, neħˑhuh' hoˑdi'yo̱sˑo̱h haaˑyaħ'daˑdeħ.
31Da neħ' dih, ne deˑyò'gă̱hˑgĕh nă̱ˑgă̱ă̱, ho̱'wa̱ˑdo̱ˑe'syo̱hˑgwaˑniih' naˑgo̱'iˑo̱ˑnyaˑnih, hoˑnă̱ă̱' Saˑdi'o̱ˑnyaˑnih, saˑdek'ho̱ˑnih.
32Neħ gwaa' naˑgo̱ˑyă̱ˑo̱h'seeh, neħ naˑgyă̱ħ' niiħ niˑgees', ne tă̱ħ'ă̱h niis' deħˑswaˑyă̱nˑdeˑih.
33Neħ daˑyò'iˑwaħ'heħt de'oˑno̱nˑda'dă̱ˑo̱h'seˑno̱ˑniih' naˑgo̱'iˑo̱ˑnyaˑnih', so̱ˑgaaħ' gă̱ neˑgă̱ħ' no̱o̱'gweh ho̱ˑwa̱'eeˑwiih' naˑaak'?
34Neħ naˑgo̱ˑyă̱ˑo̱h'seeh ne Jeˑsus, Neħ' niiħ aˑgeek'hwaħ', ne' neħˑhuh nă̱nˑdwa̱ˑgye'a̱nˑdyeħ' he'nitˑhoħ'niˑgooħ'dă̱ă̱h ne taˑgeh'haħˑo̱h, neħ kuh nă̱ˑgaˑdyă̱'nòħkˑdă̱ħ noˑi'oħˑdas'hăħ.
35Tă̱ħ'ă̱h gă̱h' deħˑswaaˑdo̱h', Neħ nahˑso̱h geeˑih' niˑwă̱'niħˑdaaˑgee, oˑnă̱h' hă̱ˑga'eeħ heˑnă̱ˑye'yă̱ntˑtwaˑgwaˑo̱o̱ħ? Jatˑga'ă̱ˑo̱h, neħ noħˑgwă̱'o̱s, deˑswah'gwaħt ne swaˑgaaħ'sho̱ħ, neħˑhuh' swatˑgaatˑhòh' heˑgaˑyă̱nt'twahˑso̱ħ, neħ să̱ħ'ă̱h neh oˑno̱'wa̱ħˑdaħ'ă̱ă̱ħ niˑyòħ'dă̱ă̱, oˑdeh'saħˑo̱h' sho̱ nă̱ˑga'yă̱ntˑtwa'gwă̱ˑo̱o̱k.
36Neħ haaˑyaħ'daˑdeħ naˑyă̱nt'twaˑgwʋs' hòtˑtga'nyaħˑgih, neħ' kuh ne waˑe'oˑeek' noˑdo̱ˑnii ne' dyotˑgo̱nt ha'yo̱hˑheˑdyeħ; neħ ne' deˑiˑgweˑgo̱h noˑno̱h'gwă̱ˑa̱nˑdyeħs' kuh naˑyă̱n'twaˑgwʋs' haħˑdă̱ă̱'yaˑdyes ă̱ˑò'no̱ħˑeesˑhaħ.
37Neħˑhuh dih neˑgă̱ħ nă̱ˑgă̱ă̱ he'o̱ˑweh niˑwă̱'o̱hˑseeh, niˑga'iˑwaˑgwĕnˑniˑyòħ, Shaˑyaħ'daat ne waˑo'no̱hˑgwă̱'o̱nˑdiħ, oˑyaħ' naeh ne daa'yă̱ntˑtwaˑgòħ.
38Neħ' dih, niiħ'' tgwahˑhaħ'o̱h nă̱ˑswa'yă̱ntˑtwaˑgòħ', he'o̱ˑweh niis' deħˑtaħ'gwĭsˑdă̱ħ deħˑswaˑdyeˑòħ'daˑdo̱h; oˑyaħ' naeh nă̱ˑno̱ˑgweh' hoˑno̱nˑdyeˑòħ'daˑdo̱h, da iis' ne'waħ neħˑhuh' heˑswaˑyo̱o̱' he'o̱ˑweh' niˑgaaˑyă̱ħ' noˑdiˑòħ'das'hăħ.
39Da neħ' noˑno̱nt'tgaħˑdeħ' ne Saˑmaˑriˑtans ne' toˑneehˑdo̱h' heˑgaˑno̱nˑdaˑyă̱ħ', ne waˑo̱ˑwa̱ˑiˑwaˑgwĕnˑniˑyòs', neħ sho̱ daˑyòˑiˑwaħ'heħt heˑno̱ħ'o̱ˑgoˑwă̱'no̱ˑwă̱h ne yaˑgo̱o̱ˑgweh goˑi'waˑgwa'ihˑso̱o̱, Neħ' noˑgweˑgo̱h' waak'hyòˑwiħ' heˑno̱nˑdo̱ˑgaˑdye'a̱nˑdyeħ' he'no̱ħˑweeħ.
40Neħˑhuh dih noˑnă̱h' ne Saˑmaˑriˑtans neħˑhuh' hoˑdi'yo̱sˑo̱h haˑyaħ'daˑdeħ', neħˑno̱ˑwa̱nˑdo̱ˑe'syo̱hˑgwaˑnii, neħˑhuh' sho̱ yaaˑeħ' a'oˑă̱ħ'heħˑo̱'o̱o̱k haˑdi'yaħˑdaaˑdeħ; daˑneħ' ne deˑwă̱'nĭsˑhăăˑgee' neħˑhuh' hoˑă̱ħ'ˑheħˑo̱h.
41Neħ nah'so̱h sa'yòˑgă̱ă̱'is ne saˑo̱ˑwa̱'iˑwaˑgwĕnˑniˑyòs, neħ naeh dyòˑi'waħ heˑna'oˑwă̱ˑno̱'wă̱hˑsyo̱o̱ħ ne'aˑo̱ˑhwa̱ħ.
42Neħ' kuh ne shaˑgoˑnă̱ˑo̱h'seeh ne' yaˑgo̱o̱ˑgweh', Oˑnă̱h' waħˑaˑgwa'iˑwaˑgwĕnˑniˑyòs, tă̱ħˑă̱h naeh' deħˑdyòˑiˑwaħ heˑniˑsaˑwă̱ˑno̱'wă̱ħˑo̱h; neħ să̱ħ'ă̱h naˑgwʋs' iiħ oˑnă̱h' shaˑgwaˑwă̱ˑno̱'o̱ˑgă̱h, neħˑkuh no̱ˑgwă̱'no̱hˑdo̱ħ he do'gă̱s o̱ˑweh neħ ne Christ, ne' Sho̱hˑheeˑdas' he'yo̱ˑă̱nˑjaˑdeħ.
43Neħ noˑnă̱h' shahˑga'at ne deˑwă̱'nĭsˑhăˑgee, hoˑtă'daˑdo̱h' ne' neħˑhuh, neħ noohˑdă̱n'dyo̱sˑo̱h, Galˑiˑlee heˑo'yo̱sˑo̱h'.
44Neħ să̱ħ'ă̱h ne'aˑo̱ˑhwa̱ħ' ne Jeˑsus' waˑi'waˑgwaˑihˑsiħ', he tă̱ħˑă̱h' naˑeh deˑoh'să̱ˑniˑyòò noˑdo'gă̱sˑdaaˑnih he'o̱ˑweh' niˑa'no̱ˑgeħ.
45Da neħ'dih noˑnă̱h' neħˑhuh' waˑaˑyo̱ħ' ne Galˑiˑlee, neħ ne' waˑo̱ˑwa̱ˑgòħ' ne Galˑiˑleans, neħ heˑtoˑno̱nt'tgatˑhwă̱h neˑyò'iˑwaˑgweˑgo̱h' heˑno̱nˑdaa'dyeeħ Jeˑruˑsaˑlem, ne chiˑtoˑno̱ˑdek'hwaˑeeħ; neħ să̱ħˑă̱h neh, neħˑhuh' ha'eħˑgwah heˑă̱'neħˑsgwaħ he'toˑno̱n'dekˑhweˑo'o̱ˑno̱ħ.
46Neħˑhuh dih aeħ' no̱ħˑdet'haˑweeˑno̱o̱' ne Jeˑsus, shoˑyo̱s'o̱h ne' Caˑna ne a'ă̱nˑjaħˑgĕh ne Galˑiˑlee, he'o̱ˑweh no'neˑgaˑnòs' wine hosˑyo̱ˑniih. Da neħ naˑyaħ'daˑdòòˑgă̱ă̱h go'wăhˑgoˑwaah hoˑhaħ'shăħ neħ nò'aaˑwak' toˑno̱o̱kˑdaˑnih' heh' tgaˑno̱nˑdaˑyă̱ħ Caˑperˑnaum.
47Neħ noˑnă̱h' waˑò'iˑwa'o̱o̱k he'detˑho'yaˑgă̱ħ'o̱h ne Jeˑsus ne Juˑdea, Galˑiˑlee detˑhoˑyo̱o̱', neħˑhuh' heˑaˑweeˑno̱o̱' heˑtaˑyaħ'daˑdeħ, hoˑdo̱ˑeˑsyo̱h'gwaˑnii ne' neħˑhuh o̱n'daˑeet, o̱'saˑoˑjă̱ħt' no'aaˑwak; neħ să̱ħ'ă̱h neh, oˑnă̱h' neħˑhuh' heˑgaaˑdeħ' nă̱'eeˑyo̱s.
48Oˑnă̱h ne Jeˑsus, haˑwă'o̱hˑseeh, Neħ nă̱ˑgă̱'a̱a̱k deħˑswaˑgă̱ă̱ħ' noˑyă̱nˑdeet' aaˑyo̱ˑnyaa'no̱o̱ħ, kuh noˑi'waˑnăăˑgwah'do̱ħs', tă̱ħˑă̱h' deħˑaaˑo̱h' aeh'swai'waˑgwĕnˑniˑyòs.
49Neħ ne go'wăhˑgoˑwaah hoˑhaħ'shăħ detˑħos'nyeħˑo̱h, haˑwă̱'o̱hˑseeh, Syaħˑdaˑgwĕnˑniˑyòħ, gaa'oħ' daˑseet, ahˑso̱h' ă̱ˑgă̱'a̱a̱k deˑa'weˑeˑyo̱o̱ neh' he'aˑwak.
50Detˑhos'nyeħˑo̱h ne Jeˑsus, haˑwă̱'o̱hˑseeh, Sahˑdă̱nˑdih; neħ' naeh shoˑdo̱ħ'o̱o̱nˑdyeħ nees'haˑwak. Neħ ne waˑi'waˑgwĕnˑniˑyòs' no̱'gweh he'naˑoˑwă̱ˑno̱'wă̱h ne Jeˑsus waˑos'snyeħs, neħ noohˑdă̱nˑdyo̱sˑo̱h.
51Da neħ' dih noˑnă̱h' neħˑhuh' ho̱ˑsa'we'no̱ˑo̱nˑdyeħ' oħˑto̱ˑwa̱ˑdăt' noˑhaħ'shăħˑsho̱ħ, hoˑnă̱ă̱', shoˑdo̱ħ'o̱ˑo̱nˑdyeħ' nee'shaˑwak.
52Oˑnă̱h' haˑgo̱ˑyaˑo̱n'do̱sˑo̱h heˑniˑdyò'ĭsˑdaħ'eeˑno̱ħ' noˑnă̱h' sho̱ˑsaa'do̱o̱ˑgweeħ. Neħ no̱ˑwă̱ˑo̱hˑseeh, Tee'dă̱h, jaaˑdak' chiˑjò'ĭsˑdaaħˑeeh' waˑo'yaħˑdaatˑgaħ' noħˑdo̱h'goˑăăsˑgwaħ.
53Da neħ ne toˑno̱h'do̱ħ nooħ'nih he neħ' sho̱ kuh naeh shaħˑgaat' chiˑdyòˑĭsˑdaħ'eeˑno̱ħ no̱ˑnă̱h' ne Jeˑsus sha'wă̱ˑo̱s, Ho̱ˑheħ' naeh, shoˑdo̱ħ'o̱ˑo̱nˑdyeħ kuh neesˑhaaˑwak; da neħ ne'aˑo̱hˑhwa̱ħ waˑi'waˑgwĕnˑniˑyòs, kuh neh' hoˑno̱h'saˑgweeˑgo̱h.
54Da neħ' nă̱ˑgă̱ă̱ ne' dekˑni waˑdo̱ħ'taħ aeħ' ne Jeˑsus oˑi'waˑnăă'gwat heˑno̱ˑo̱nˑdyeeħ noˑnă̱h' shaħˑdetˑhoˑya'gă̱ħˑo̱h ne Juˑdea, Galˑiˑlee hesˑho'yo̱sˑo̱h.
Currently Selected:
John 4: SEE
Highlight
Share
Copy
Want to have your highlights saved across all your devices? Sign up or sign in
Gospels published by the American Bible Society in 1872, Psalms in 1892.
