Popular Bible Verses from Oviungura 2

Share

Petrus arire tje ve ziri a tja: “Auhe weṋu nge ritanaure kourunde we, nu ma papitisiwe mena ra Jesus Kristus, nu Ndjambi me mu isire ourunde weṋu, neṋe mamu pewa otjiyandjewa tja Ndjambi, Ombepo Ondjapuke.

Owo va panḓera pomahongero wovaapostele nave rire otjiṋa tjimwe amave ri pamwe nokukumba pamwe.

Nowo avehe ve urisiwa nOmbepo Ondjapuke, narire tji va utu okuhungira omaraka wovandu varwe, Ombepo Ondjapuke punga aye ve pere okuhungira.

Kamanga otji pa tjitwa ombosiro ndja zire meyuru tjimuna oyotjivepo tji matji hingi nomasa, noyo arire tji ye urisa ondjuwo aihe mu va karere pehi. Nowo va muna omaraka womuriro nga haṋikire, nowo aye kakara kombanda yaauhe wawo. Nowo avehe ve urisiwa nOmbepo Ondjapuke, narire tji va utu okuhungira omaraka wovandu varwe, Ombepo Ondjapuke punga aye ve pere okuhungira.

Eyuva arihe owo aave woronganene mondjuwo ya MUHONA nomitima mbya i kumwe, nu ave kara nomariro wawo pamwe mozondjuwondjuwo, amave ri nenyando nomitima omipore, namave tanga Ndjambi. Owo va ingonekerwe i otjiwaṋa atjihe. Nu eyuva arihe peke Muhona aa weza kombongo imba mbaa ve hupisiwa komuinyo.

‘Ndjambi ma tja: Momayuva omasenina ami me tjiti nai: Me tirire Ombepo yandje kombanda yovandu avehe. Ovanatje veṋu ovazandu novakazona mave zuvarisa ombuze yandje; omitanda vyeṋu mavi munu ovirimunikise; novarumendu ovanene mave roto oturoto.

Nu avehe, imba ovakambure, va kakatera kumwe, nouini wawo auhe ave waneke mumwe. Owo ave randisa ouini noviṋa vyawo, nu imbi ovimariva otjaave haṋa movandu otja ngamwa auhe puya hepa.

Nu auhe ngu ma isana ena ra Muhona ma yamwa.’

Eyuva mari zorerisiwa, nomueze au tjituka ombinḓu, Eyuva ra Muhona ngunda ari hiye ya, indi enene netirise.