Popular Bible Verses from Oviungura 1

Share

Nungwari Ombepo Ondjapuke tji ye ya kombanda yeṋu, eṋe mamu hara omasa nu amu rire ovendjihongonone mOjerusalem na mehi arihe ra Judea nora Samaria nga komaandero wehi.”

Jesus we ve zirire nai: “Kapeṋu okutjiwa otuveze nomayuva Tate nga zikamisa mouvara we omuini.

Nu ngunda e ri puna wo arire tje ve rakiza a tja: “Amu zu mo mOjerusalem, nungwari undjeye omakwizikiro ngu mbe mu raera, inga omakwizikiro Tate nga kwizika. Johanes aa papitisa nomeva, nungwari kombunda yomayuva ouṱiṱi eṋe mamu papitisiwa nOmbepo Ondjapuke.”

Oure womayuva omirongo vine kombunda yonḓiro ye eye we riraisa ku wo potuingi momiano mbyaa vi raisa ongahukiro kutja u nomuinyo. Owo ve mu muna, neye wa hungira ouhona wa Ndjambi kuna wo.

Nu tja za nokuhungira omambo nga, arire tja twarewa keyuru owo ngunda amave tarere, notjikamba tje mu horeka natji mu isa po komurungu wawo.

Nowo ngunda amave tarere Jesus ama twarewa keyuru, arire tji pe ya okukurama ovarumendu vevari pu wo mba zarere ozombanda ozombapa, nave tja: “Eṋe varumendu Ovagalilea, mwa kuramene tjike amwa siririke omeho weṋu meyuru? Ingwi Jesus ngwa toorwa pu eṋe okutwarewa keyuru, otjinga ama kotoka nao otja tjinga amamu mu munu ama rondo keyuru.”