Oviungura 1
1
1 #
Lk 1:1-4
Teofilus, membo randje indi etenga ami mba tjanga mo oviṋa avihe Jesus mbya tjita na mbya honga okuza keyuva ndi eye nda utire otjiungura tje 2nga ku indi nda twarewa keyuru. Ngunda e hiya twarewa keyuru eye wa yandja omarakiza momasa wOmbepo Ondjapuke kovarumendu eye mba toororere okurira ovaapostele. 3Oure womayuva omirongo vine kombunda yonḓiro ye eye we riraisa ku wo potuingi momiano mbyaa vi raisa ongahukiro kutja u nomuinyo. Owo ve mu muna, neye wa hungira ouhona wa Ndjambi kuna wo. 4#Lk 24:49Nu ngunda e ri puna wo arire tje ve rakiza a tja: “Amu zu mo mOjerusalem, nungwari undjeye omakwizikiro ngu mbe mu raera, inga omakwizikiro Tate nga kwizika. 5#Mt 3:11; Mk 1:8; Lk 3:16; Jhn 1:33Johanes aa papitisa nomeva, nungwari kombunda yomayuva ouṱiṱi eṋe mamu papitisiwa nOmbepo Ondjapuke.”
Jesus ma twarewa keyuru
(Mk 16:19-20; Lk 24:50-53)
6Ovaapostele tji va woronganene pamwe puna Jesus ve mu pura ave tja: “Muhona, Ovaisrael mo ve yarurire rukwao ouhona momayuva nga poo?”
7Jesus we ve zirire nai: “Kapeṋu okutjiwa otuveze nomayuva Tate nga zikamisa mouvara we omuini. 8#Mt 28:19; Mk 16:15; Lk 24:47, 48Nungwari Ombepo Ondjapuke tji ye ya kombanda yeṋu, eṋe mamu hara omasa nu amu rire ovendjihongonone mOjerusalem na mehi arihe ra Judea nora Samaria nga komaandero wehi.” 9#Mk 16:19; Lk 24:50, 51Nu tja za nokuhungira omambo nga, arire tja twarewa keyuru owo ngunda amave tarere, notjikamba tje mu horeka natji mu isa po komurungu wawo.
10Nowo ngunda amave tarere Jesus ama twarewa keyuru, arire tji pe ya okukurama ovarumendu vevari pu wo mba zarere ozombanda ozombapa, 11nave tja: “Eṋe varumendu Ovagalilea, mwa kuramene tjike amwa siririke omeho weṋu meyuru? Ingwi Jesus ngwa toorwa pu eṋe okutwarewa keyuru, otjinga ama kotoka nao otja tjinga amamu mu munu ama rondo keyuru.”
Omupingene wa Judas
(Mt 27:3-10)
12Nu ovaapostele va yaruka kOjerusalem tji va za nokuheruka kOndundu yOmiṋinga, ndji ri oure wokirometa mangara imwe okuza kotjihuro. 13#Mt 10:2-4; Mk 3:16-19; Lk 6:14-16Nowo tji va za nokuhita motjihuro, arire tji va karonda ketuwo rokombanda, aruhe hapo muyave sekire, okutja oPetrus na Johanes na Jakobus na Andreas na Filipus na Tomas na Bartolomeus na Mateus na Jakobus, omuzandu wa Alfeus, na Simon, Omuseloti wehi rawo, na Judas, omuzandu wa Jakobus. 14Owo potuingi aave woronganene pamwe okukumba puna ovakazendu na Maria, ina ya Jesus novangu ve.
15Nu momayuva ngo pa ri ombongarero yovakambure avehe, kumwe ovandu mangara esere rimwe nomirongo vivari. Petrus arire tja sekama mokati kawo na tja: 16“Eṋe vakwetu, omatjangwa omayapuke maye sokuyenenisiwa, Ombepo Ondjapuke nga hungirira Judas notjinyo tja David, ingwi Judas ngwa karira omuhongore wa imba mba kambura Jesus. 17Judas wa varwa otja umwe wetu, tjinga a toororerwa okukara norupa motjiungura tjetu.”
18 #
Mt 27:3-8
Nu ovimariva Judas mbya muna mondjito ye youvi wa randa na vyo ehi romakunino. Eye wa wa onḓurumika mehi ndi, a pamuka mokati, novyopehuri vye avihe arire tji vya rimbarere pehi. 19Notjiṋa hi tja zuvaka kovature avehe va Jerusalem, nowo otji va ruka ehi romakunino ndi meraka rawo oveni kutja Akeldama, okutja “Ehi rOmakunino rOmbinḓu”.
20 #
Psa 69:25
Psa 109:8
“Orondu tjinga apa tjangwa nai mEmbo rOmapsalme:
‘Omaturiro we ngaye kare tjo,
nu ape ningi omundu ngu ma tura mu wo.’
Nu wina pa tjangwa nai:
‘Moviungura vye ngamu pingene omundu warwe.’
21-22 #
Mt 3:16; Mk 1:9; Lk 3:21
Mk 16:19; Lk 24:51 “Otji mape sokuweziwa umwe ngu ma rire omuhongonone wombendukiro ya Muhona Jesus puna eṱe. Eye ma sokurira umwe wovarumendu mba mbaa ve ryanga puna eṱe omayuva aehe nga Jesus nga ri mokati ketu, okuza koruveze ndwi eye ndwa papitisirwe i Johanes nga keyuva ndi eye nda isiwa po pu eṱe okutwarewa keyuru.”
23Owo otji va urika ovarumendu vevari, okutja oJosef, ngwaa isanewa Barsabas, wina ngwaa ku zu oJustus, na Matias. 24Tjazumba arire tji va kumbu ave tja: “Muhona, ove u tjiwa omeripura nomitima vyovandu avehe, nambano tu urikira ingwi ove ngu wa toorora po pu imba vevari mba 25okuyaruka motjiungura tjokukarera otja omuapostele moruveze rwa Judas, ihi otjiungura tji tja isiwa i Judas indu tja ya koruveze rwe omuini.” 26Nowo otji va yumba ozohanga okutoorora pokati kovarumendu vevari mba, ohanga ya urika Matias, neye wa weziwa kovaapostele mba omurongo na umwe.
Currently Selected:
Oviungura 1: HRR-UNI
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.
