Popular Bible Verses from Johanes 21

Share

Nu tji va zire nokurya Jesus wa tjere ku Simon Petrus: “Simon, muatje wa Johanes, ove we ndji suvera tjinene okukapita ovakweṋu mba?” Eye a ziri a tja: “Ii, Muhona, mo tjiwa kutja mbe ku suvera.” Jesus a tja ku ye: “Risa ozondjona zandje.” Nu Jesus wa tjere ku ye porutjavari: “Simon, muatje wa Johanes, ove we ndji suvera?” Eye a ziri a tja: “Ii Muhona, mo tjiwa kutja mbe Ku suvera.” Jesus a tja ku ye: “Risa ozonḓu zandje.” Jesus arire tja tja ku ye porutjatatu: “Simon, muatje wa Johanes, ove we ndji suvera?” Petrus wa ṱoruhoze, Jesus tjinga e mu pura porutjatatu ama tja: “Ove we ndji suvera?” Nopa tjera ku ye: “Muhona, mo tjiwa oviṋa avihe; mo tjiwa wina kutja mbe ku suvera!” Jesus a tja ku ye: “Risa ozonḓu zandje.

Tjiri, tjiri, ami me ku raere, tji wa ri omutanda ove iyo rirongerere okuyenda ngamwa akuhe kuyo vanga, nungwari tji wa kurupa mo roporora omaoko woye, nomundu warwe me ku kutu ne ku twara ngamwa akuhe ku u hi nokuvanga okuyenda.”

Eye wa tjere ku wo: “Yumbeye onete yeṋu kokunene kokayaha, nu mamu pata otjiṋa.” Owo arire tji va yumbu indji onete, nu kave sorere okuinanena mokayaha, tjinga ava patere ozohi ozengi tjinene.

Simon Petrus arire tja tja kovakwao: “Ami me kapata ozohi.” Owo ave tja ku ye: “Eṱe wina matu i puna ove.” Owo arire tji va i mokayaha, nungwari ouṱuku auhe mbo kave patere otjiṋa.