Popular Bible Verses from Yohana 12

Share

A̱yin nu a̱ cat n yya dikwwa ni, dolet se na̱ n tssup a̱ ga shyi ba̱ nzuk kozan ka̱ram. A̱tyyi nzuk u a̱ ni wrak a̱yin nu a̱ n yya dikwwa ni shii.”

A̱yin nu a̱ cat sso nu ji ni a̱ wa ni za̱ wai. Ma a̱yin nu a̱ rak sso nu i ka̱sa kani ni a̱ ni za̱ sak i sucet wityak.

Ka̱ryong a̱mi n ya tyyei, tswa yak ni yet bu tswa jring, se kpa ka̱byen i kwu si wa bvwa n wrak tswa ba̱gingang.

N ba di ka̱bvwa sai ni i ka̱sa ka, ba̱nyet ba a̱ n san ni a̱ ga wruk a̱ wwon ryin na.

A̱yin nu a̱ hok ba̱ryat nzuk ba a̱ rak n tyyi i rya ni, nzuk n ni ku yya shirya ba. N ba yya ka̱sa ka shirya ba ma n ga ka̱ ryi sucet.

Maryamu a̱ nyyai bu a̱gba̱dang shep ka̱sham ba̱myyi ba̱nying krum ba̱t ba yya di nard a̱ bu krok a a̱tak Yesu na a̱ tyyi a̱cat diccu nu na a̱n dyang. Swam ba̱myyi na i tyak ka̱ryi ka sa̱rei.

Ba bvei a̱pipyyi tswan a̱ wruk a̱ nat myim a ba̱ nu, a̱ tyei nkun a̱ ku tang a̱didyep a̱ hywa, “Zi dyep Ka̱za! A̱yin nu a̱ bai i diyrek A̱gwam njit, Ka̱za ku wwon nda! Ka̱za a̱ wwon A̱gwam Isreila nda!”

Yesu a̱ hywa da̱ mba, “Ka̱ram ka ba nin tyyei shii Ka̱won A̱neywu ni a̱ yya.