Popular Bible Verses from Yohana 14

Share

“N ya ryi myyi rya. Myyi rya nzuk a a̱mi n ya ryi. Ka̱sak ka n ya ryi ni ka̱sa ka a̱n ya ryi a̱mi ba. Yi ryok wwon ndya nyin i byyan ko yi hok ka̱wun ba.

Yesu a̱ hywa, “Nzuk n yet ryen na bu ka̱ryong ka bu sucet a. A̱yin nu a̱ hyok da̱ nzuk ni ba a̱ ni maai si tat ka̱rek A̱tyyi ka ba.

Yesu a̱ bo hywa da̱ mba, “Yi ryok wwon ndya nyin i byyan ba. Yi wrak ka̱ryong di Ka̱za i bu n dyi ka̱ryong brak.

A̱tyyi nu a̱ ni ya tom di Tswa Ka̱za ji i diyrek nzuk ti. Nji a̱mi a̱ ni ya brang, a̱ ya zzek kozan kyang, a̱ bo ya brang yi yring sa̱rei nkyang a n ka̱n ya tyyei ni.

“A̱yin nu a̱ san truwang nzuk ji a̱ za̱ tssup ni, nu a̱mi a̱ n cat. A̱yin nu a̱ n cat i, A̱tyyi nzuk u a̱ ma̱ ni ku cat; nzuk meyang n ma̱ ni ku cat n tyyei diccu nzuk ka̱rek nu.”

Nzuk n ma̱ ni zzim A̱tyyi nu na̱ ya ryi A̱ntyok ya brang, na̱ swat ba̱ nyin har a̱ba̱da. Nu a̱ yet Tswa ji a̱ tyyei ka̱ryong ka ni. Ka̱sa kani a̱ maai ku san ba, rot ka maai ku ryi na a̱ bo ku bvwo ba. Ma nyin yi ku bvwo, rot a̱ swat ba̱ nyin a̱ si bo ni shyi ka̱yat nyin kozan ka̱ram.

Kyang a yi naai i diyrek nzuk ni n ni ya yya mi, ba ga ryi shii A̱tyyi na i Ka̱won ka. Bu kyang a yi naai i diyrek nzuk ni n ni ya yya mi.”

“Ki yi n cat, yi ni tssup truwang nzuk ji.

Na̱bvwa swat a̱n shyi ba̱gingang ka̱ryi A̱tyyi nzuk ka. N naat n si ya jyi na̱bvwa swat a. Ku dan dyok ryi a̱mi ba, sei n ya tyyei kyang ba.

Ki n si tyak ya jyi ka̱bvwa ka n ni brek n bu nat ba̱ nyin yi si swrang ka̱bvwa ka n ni shyi ni.

Toma a̱ hywa, “A̱ntyok ka̱ryi, zi bvwo ka̱rek ka an naat i ba; zi ni yya ni n bvwo ryen na?”