Popular Bible Verses from Yohanis 1

Share

Mar sapa sa yang tarima deng parcaya Antua, Antua kasi hak par dong par jadi Allah pung anana.

Dolo-dolo paskali, waktu dunya ni balong ada lai, su ada Satu Orang yang orang-orang panggel par Allah pung Kata-Kata. Antua tu su ada sama-sama deng Allah deng Antua tu jua Allah.

Orang-orang panggel Antua tu par Tarang. Tarang tu manyala dalang galap, mar galap seng bisa kasi kala Tarang tu.

Satu Orang yang orang-orang panggel par Allah pung Kata-Kata tu su lahir jadi manusia. Antua parna tinggal sama-sama deng katong di dunya ni. Katong su lia Antua pung kuasa yang hebat. Kuasa tu Antua tarima dari Antua pung Bapa, tagal Antua tu Antua pung Bapa pung Ana satu areng-areng. Dari Antua, katong batul-batul tau soal Allah deng soal Antua pung hati bae par katong.

Allah pake Antua par biking sagala macang hal. Kalo seng ada Antua, seng ada satu lai yang bisa jadi. Manusia pung napas hidop ni asal dari Antua. Antua jua jadi tarang dalang manusia pung hati.

Akang pung eso bagini, Yohanis lia Yesus datang par dia. La dia bilang par orang-orang di situ kata, “Basudara e! Lia Antua tu! Antua tu Orang yang Allah su pili par jadi korbang par tabus manusia pung dosa, macang deng domba ana yang katong orang Israel kasi korbang par tabus katong dari katong pung dosa.

Antua su ada di dunya. Allah pake Antua par biking dunya ni, mar orang-orang di dunya ni seng kanal Antua tu sapa. Antua datang ka Antua pung negri sandiri, mar Antua pung orang-orang satu negri seng mau tarima Antua.

Barang, Antua yang batul-batul jadi tarang par manusia pung hati tu, Antua ada datang ka dunya.

Barang, katong tarima Tuhan pung Kitab Torat dari Musa. Mar, katong batul-batul tau soal Allah deng Antua pung hati bae par katong dari Yesus Kristus.