Popular Bible Verses from Yohanis 2

Share

Apa yang Yesus biking di kota Kana di propinsi Galilea, itu Antua pung tanda herang partama. Deng tanda herang tu, Antua kasi unju Antua pung kuasa yang hebat par orang-orang. Oras tu jua, Antua pung murid-murid langsung parcaya Antua.

Yesus bilang par antua kata, “Mama! Mangapa kong mama bilang akang par Beta? Balong waktu par Beta kasi kanal Beta ni sapa par orang-orang.”

Yesus bilang par orang-orang karja di situ kata, “Mari isi tampayang anam tu deng aer do!” La dong isi tampayang-tampayang tu sampe pono. Abis itu Antua bilang par dong kata, “Sakarang, timba aer sadiki dari dalang tampayang tu la bawa akang par orang yang urus pesta ni.” Jadi dong bawa akang par orang yang urus pesta tu.

La Yesus bilang par dong kata, “Kasi rubu Tampa Sombayang Pusat ni! Nanti kong kamorang lia, dalang tiga hari sa Beta su kasi badiri akang kombali.”

Waktu Antua lia bagitu, Antua langsung biking cambok satu dari tali la user dong samua dari kintal Tampa Sombayang Pusat, lapis deng dong pung sapi-sapi deng domba-domba tu. Antua jua kasi talamburang orang-orang yang jaga kasi tukar kepeng tu pung kepeng-kepeng, la bula-bale dong pung meja-meja tu. Tarus, Antua bilang par orang-orang yang bajual burung pombo tu kata, “Hoe, barangkat deng kamorang pung barang-barang ni dari sini! Kamorang kira Beta pung Bapa pung Ruma ni pasar kapa, kong kamorang biking akang jadi tampa bajual?”