Popular Bible Verses from Yohanis 3

Share

Tagal Allah paleng sayang manusia di dunya ni sampe Antua utus Antua pung Ana satu areng-areng ni datang ka dunya par tabus manusia pung dosa-dosa. Antua utus Antua pung Ana ni biar sapa sa yang parcaya Antua pung Ana ni, dia seng mati tarus, mar hidop tarus-tarus deng Antua.

Barang, Antua utus Antua pung Ana ni par datang ka dunya, bukang par hukum manusia, mar par kasi salamat manusia dari dong pung dosa-dosa.

La Yesus bilang par dia kata, “Dengar bae-bae tagal apa yang Beta bilang ni batul! Seng ada satu orang lai yang bisa lia Allah pegang parenta jadi Raja kalo dia seng lahir satu kali lai.”

Sapa sa yang parcaya Allah pung Ana ni, Allah seng hukum dia. Mar sapa sa yang seng parcaya Ana ni, Allah su hukum dia tagal dia seng parcaya Allah pung Ana satu areng-areng ni.

Antua pung Ana tu tarang yang su datang ka dunya, mar manusia labe suka hidop dalang galap. Dong seng mau hidop dalang tarang tagal dong biking samua yang jahat tarus. Itu mangapa kong Allah hukum manusia.

Antua tu yang musti jadi labe tamba panting, la beta ni musti jadi labe tamba seng panting.

Sapa sa yang biking apa yang jahat tarus, dia binci tarang tu. Dia seng mau datang par tarang tu, tagal jang sampe orang nanti lia dia pung kajahatang-kajahatang yang dia biking.

Jadi, sapa yang parcaya Allah pung Ana tu, dia su mulai hidop tarus-tarus deng Allah. Mar sapa yang seng dengar-dengarang Antua pung Ana tu, jang harap kata dia bisa hidop tarus-tarus deng Allah. Mala yang dia dapa tu cuma Allah pung morka tarus-tarus par dia, mulai dari sakarang ni.”

Dolo waktu di padang gurun, Musa kasi nai ular tambaga satu tinggi-tinggi di atas kayo. Sapa yang dapa gigi dari ular babisa la angka muka nganga ular tambaga tu, dia salamat. Bagitu lai deng Beta Ana Manusia ni. Satu hari nanti Beta dapa angka tinggi-tinggi

Allah Bapa paleng sayang Antua pung Ana tu paskali sampe Antua kasi Antua pung kuasa samua par Antua pung Ana tu.