Popular Bible Verses from Yohanis 10

Share

Kalo pancuri, dia datang cuma par pancuri, par bunu, deng par biking rusak. Mar kalo Beta, Beta datang par kasi hidop yang paleng bae par orang-orang yang dengar Beta pung suara. Mar bukang cuma hidop sa, mar par kasi samua-samua yang dong parlu par jaga dong pung parcaya par Allah.”

La Yesus bilang lai kata, “Beta ni orang yang jaga domba, yang kalesang domba-domba tu bae-bae. Beta kasi Beta pung nyawa par kasi salamat domba-domba tu.

Beta pung domba-domba kanal Beta pung suara la dong iko Beta. Beta jua kanal dong.

Beta nanti kasi hidop par dong biar dong nanti seng mati tarus, mar hidop tarus-tarus. Seng ada satu orang lai yang bisa rampas dong dari Beta.

Beta ni pintu. Sapa sa yang datang par Allah lewat Beta, dia nanti salamat. Dia sama deng domba-domba yang maso-kaluar langgar pintu kandang la dapa tana lapang yang pono deng rumpu-rumpu par akang pung makanang.

Beta ni orang yang jaga domba, yang kalesang domba-domba tu bae-bae. Beta kasi Beta pung nyawa par kasi salamat Beta pung domba-domba. Beta kanal Beta pung domba-domba la domba-domba tu jua kanal Beta. Bagitu lai Beta deng Beta pung Bapa. Beta pung Bapa kanal Beta la Beta jua kanal Antua.

Beta pung Bapa yang su kasi dong par Beta, Antua labe basar dari sapa sa. Jadi seng ada satu orang lai yang bisa rampas dong dari Antua. Beta deng Beta pung Bapa tu satu.”

Beta ni orang yang jaga domba, yang kalesang domba-domba tu bae-bae. Beta kasi Beta pung nyawa par kasi salamat Beta pung domba-domba. Beta kanal Beta pung domba-domba la domba-domba tu jua kanal Beta. Bagitu lai Beta deng Beta pung Bapa. Beta pung Bapa kanal Beta la Beta jua kanal Antua.

Seng satu orang lai yang bisa bunu Beta kalo Beta seng kasi Beta pung diri par dong bunu. Beta pung kuasa par kasi Beta pung diri biar orang bunu Beta. Beta jua pung kuasa par kasi hidop Beta pung diri sandiri. Ini ni parenta yang Beta pung Bapa kasi par Beta biking.”

Tagal itu, Antua bilang par dong lai kata, “E, dengar bae-bae tagal apa yang Beta bilang ni batul! Beta ni pintu par domba-domba tu maso-kaluar.

Mar orang yang dapa bayar par jaga domba tu, dia seng sama deng orang yang pung domba-domba tu, yang jaga deng kalesang akang bae-bae. Waktu dia lia anjing utang datang, dia lari pi kasi tinggal domba-domba tu sampe ada yang dapa tangkap, la yang sisa lari talamburang kasana-kamari.

Abis bicara deng orang-orang Farisi, Yesus bilang ande-ande satu par dong kata, “Dengar bae-bae tagal apa yang Beta bilang ni batul! Sapa yang maso ka dalang kandang domba seng langgar pintu mar nai pagar, dia tu pasti pancuri yang mau maso ambe domba-domba deng paksa.