Popular Bible Verses from Марк 12

Share

Йесо йын дзуапп радта: «Ӕппӕты сӕйрагдӕр у мӕнӕ ацы фӕдзӕхст: „Байхъус, Израил! Нӕ Дунедарӕг Хуыцауы йеддӕмӕ ӕндӕр хуыцау нӕй. Ӕмӕ уарз дӕ Бардарӕг Хуыцауы ӕппӕт зӕрдӕйӕ, ӕппӕт удӕй, ӕппӕт зондӕй ӕмӕ ӕппӕт хъаруйӕ“. Дыккаг ахсджиаг фӕдзӕхст та ахӕм у: „Дӕхи куыд уарзыс, дӕ хионы дӕр афтӕ уарз“. Адонӕй ахсджиагдӕр фӕдзӕхстытӕ нӕй».

Йесо фӕдзырдта Йӕ ахуыргӕнинӕгтӕм ӕмӕ сын загъта: «Ӕцӕг цы у, уый уын зӕгъын: уӕртӕ уыцы мӕгуыр идӕдз ус се ’ппӕтӕй фылдӕр нывӕрдта хӕзнадоны. Иннӕтӕ иууылдӕр хай ӕвӕрдтой сӕ исбоны уӕлдайӕ, уыцы мӕгуыр сылгоймаг та нывӕрдта, цыдӕриддӕр ӕм уыдис, уый — йӕ хойраджы аргъ».

Йесо ӕрбадти Кувӕндоны хӕзнадоны бакомкоммӕ ӕмӕ кастис, адӕм дзы ӕхца куыд ӕвӕрынц, уымӕ. Хъӕздгуытӕй бирӕтӕ ӕвӕрдтой бирӕ ӕхца. Иу мӕгуыр идӕдз ус бацыд ӕмӕ дзы дыууӕ лептӕйы — иу кодрант — нывӕрдта.

Ӕмӕ „Йӕ ӕппӕт зӕрдӕйӕ, ӕппӕт зондӕй, ӕппӕт хъаруйӕ уарзын“, стӕй, „дӕхи куыд уарзыс, дӕ хионы дӕр афтӕ уарзын“ — уый ӕппӕт иууылсудзинаг ӕмӕ ӕппӕт иннӕ нывӕндтӕй ахсджиагдӕр у».

Йесо сын загъта: «Уӕдӕ кесӕры цы у, уый дӕттут кесӕрӕн, Хуыцауы цы у, уый та — Хуыцауӕн». Ӕмӕ Йыл дис кодтой.