Popular Bible Verses from Mataio 6

Share

Muat an auare‐mukakup a nuna matanitu ma ra nuna petoduru; ma din tari waraut ta muat a kum lig rap kumi.

Koniku muat nunukdokodoko muat u na buru: kuma na buru in nunukdokopai u ra nuna kum lig. I wewaot a bug a nuna akaina lig.

Ia kuma iau piri ta muat uni lena, Koniku muat nunukdokodoko muat u ra numuat lalaun, lena, awa muat an ani, ba awa muat inimi, ma u ra panimuat kai ba awa muat a papai uni. Pa i gala duk a lalaun u ra utna na anian? I gala bulug a panidi u ra malu, ni?

Ui kai, ba u arig, ruk u ra num ruma, ma ba u bălbălat mun a num bonanaka, un arig korom a Tamam i tana ino; ma ra Tamam, ia ba i boboi a lig i tana ino, kura in balui tam.

Kuma muat a arig lenkumi: Tamamiat u ra maua auakak din ururu u ra yam. In wan urin a num nakokon. Awakak ba din taram korom ui u ra rakrakan wanua rap, lenkuma diat taram korom ui u ra maua.

U ra bug kumi un tari ta miat a miat utna.

Koniku mag miat u ra numiat petakakai, lenkuma pa miat mag diat diat petakakai korom miat.

Koniku ben miat u ra walwalam; un walaun miat ko ra akaina lig: kuma a num ku a Nakokon, ma ra Dekdek, ma ra Ururu, pa in rap.

Ba pa muat mag diat a tara u ra nudiat petakakai korom muat, a Tamamuat i ki u ra maua pa in mag muat kai.

Muat a bobo diat a kum pika na lagit, kuma pa diat lămlămirai, pa diat rotkutu, ma pa diat walaig a utna u ra ruma‐na‐utna; ma ra Tamamuat i ki u ra maua, i tabara diat. Ma pa muat ka akit duk u diat?

Koniku muat barata ugai korom muat a utna u vuravura; kuma a poropo ma ra karakara i anakaruai, ma ra tara tatok diat reguai ma diat ualogi: Muat a barata ugai a utna u ra maua ku; kuma a poropo ma ra karakara pa in anakaruai iai, a tara tatok kai pa diat a reguai iai ma ualogi: kuma a balam in tana u ra bual kuma a num utna i tana uni.

Pa ta muana in taram larapai korom ru tadaru; kuma in tebua ra pa diara, ma ra kai in mari; in taram korom ra ma ra kai in wabulbul i. Muat kana taram larapai korom Nara ma ra utna kai.

Ba Nara i wakopta a kum uali na bual lenkumi, ia ba i tana kumari, ma na buru kai din oguai u ra raran, pa in wakopta muat duk, a kum tenanuru kinalik ku muat?

Ui kai, ba u pet a num maramari, koniku a maira na limam in nunura a lig ba a waot na limam i peti: ba di pet‐inoi ku a num maramari: ma ra Tamam, ia ba i bobo a lig i tana ino, in balui tam.

Muat katom, ma koniku muat pet a puana a numuat petoduru na ra matadiat a tara ba diat a bobo muat uni: ba lenkuma pa numuat ta wedok ma ko ra Tamamuat i ki u ra maua.

Kumi kai, ba muat wawel, koniku in tumtumel a matamuat len diat a kum tenawaruwaruka; kuma diat wagilagila a matadiat ba in pua uni korom diat a tara lena diat wawel. Iau piri ligtatuna ta muat, Diat a rakanpa a nudiat wedok. Ui kai, ba u wawel, un ku a lorim, un ki a matam; ma koniku a num wawel in pua korom diat a tara, korom a Tamam ia i tana ino: ma ra Tamam, ia ba i bobo a lig i tana ino, kura in balui tam.