Popular Bible Verses from YOHANE 13

Share

Seʼi songka dawoʼu anu da Kutoʼoka komi: Ndipombepotowemo komi sambaʼa pai sambaʼa. Ewambeʼi Kupampotowe komi, ewanceʼe seʼe da pombepotowemi. Ane mombepotowe komi, pura-pura tau da mampomonco kakominya waʼa anaguru-Ku.”

Ane sako Yaku Puemi pai Gurumi mawusoʼi witimi, komi woʼu da mombewusoʼi witimi. Inceʼe pandiri anu Kutujuka komi, da naka komi woʼu mawianaka ewa anu roo Kupowia ri komi.

Mesono i Yesu, “Seʼi-seʼi bareʼepa nurata ndaya posokinya anu roo kupawia seʼi, paikanya raneonya nepa da nurata ndaya.”

Monco kojo anu roo Kutoʼoka komi seʼi, sambaʼa anamayunu bareʼe da meruu ri puenya, pai sambaʼa pomokau bareʼe da meruu ungka ri anu mampokau.

Ane ndiincanimo pura-pura seʼi maʼai porasimi ane ndiwianaka.

Inceʼe painaka meoko Sira, ndaosu juba-A ndatima handu ndapesoʼoka ri lompe-A. Roo setu ndawangke ue ri loya, nepa ndatepuʼumo mawusoʼi witi waʼa anaguru-A. Roo ndawusoʼi nepa ndapakangauka handu anu ndapesoʼoka ri lompe-A.