Popular Bible Verses from YOHANE 14

Share

Kalindo ndaya Kudikaka komi, kalindo ndaya-Ku ngkalio-Ku anu Kuwaika komi. Anu da Kuwaika komi banya ewa anu nawai lino seʼi ri komi. Pakaroso rayami neʼe maeka.

Mesono i Yesu ndatoʼo, “Yakumo seʼi jaya ndipaincani pepokono mPue Ala, pai da ndiparata katuwu. Bedareʼe tau mangkoto jela ri Papa ane bareʼe mampojaya Yaku.

Ndatoʼo i Yesu ri anaguru-A, “Neʼe boi berodo rayami, da ndiayamo i Pue Ala, pai da ndiayamo woʼu Yaku.

Paikanya Inosa mPue Ala, Topompelae anu da ndapokau i mPapa ri toʼo-Ku, Siramo anu da mantotoraka komi pai mampatikaendo ri pura-pura anu roo Kutoʼoka komi.

Tau anu mamporewu pai malulu waʼa songka-Ku pai mawianaka, inceʼemo anu mampotowe Yaku. Papa da mampotowe tau anu mampotowe Yaku. Yaku woʼu da mampotowe tau setu. Pai da mampatongawa koro-Ku ri siʼa.”

Da Kuperapi ri Papa, da naka ndawaika komi Topompelae anu ntaninya, anu da todo maroo-roo mpaliu pai komi. Siʼamo Inosa mPue Ala anu da mantotorakaka komi pepokono mPue Ala. Bareʼe da natarima lino seʼi Sira maka bareʼe nakita pai bareʼe naincani Sira, maka Sira da maroo-roo sangkani-ngkani pai komi pai da sambaʼa-mbaʼa pai komi.

Pai nunjaa ntano anu ndiperapi ri toʼo-Ku, inceʼe da Kupowiaka komi, da naka i Papa ndapapeawa mampoliu i Ana. Nunjaa ntano anu ndiperapi ri toʼo-Ku, inceʼe da Kupowia.”

“Ane ndipotowe Yaku, da ndipowia waʼa anu Kusongkaka komi.

Ri banua mPapa-Ku maria kareʼe mpeari. Yaku mesindiu da mampatokaka komi da kareʼemi. Bareʼe da Kutoʼoka komi ewanceʼe ane bemonco.

Ane malaimo Yaku mampatokaka komi da kareʼemi, nepa da maʼi muni Yaku mantomu komi, da naka ri mbeʼi kareʼe-Ku njairia seʼe da kareʼemi.

Mompau i Toma natoʼo, “Pue, kami bareʼe kaincani ri mbeʼi da kanjoʼu-Mi, ewambeʼi da kapaincani jayanya?”