Popular Bible Verses from YOHANE 15

Share

Yakumo woto anggoro pai komi inceʼemo waʼa raʼanya. Tau anu todo sambaʼa-mbaʼa pai Yaku, pai Yaku sambaʼa-mbaʼa pai siʼa, da sondo powuanya; maka ane bareʼe sangkani-ngkani pai Yaku, bareʼe da ndikoto mampowia bara nunjaa-njaa.

Ndikasambaʼa-mbaʼamo pai Yaku pai Yaku da sambaʼa-mbaʼa pai komi. Ewa raʼa bareʼe nakoto mowua ane bareʼe metaka ri wotonya, ewanceʼe seʼe komi nepa da ndikoto mowua ane todo sangkani-ngkani pai Yaku.

Ane komi todo sambaʼa-mbaʼa pai Yaku, pai waʼa ntotoraka-Ku ndiparindaya, ndiperapimo bara nunjaa anu ndipokono ri Papa, perapimi seʼe da ndabangani.

Banya komi anu mampilisi Yaku, paikanya Yaku anu mampilisi komi, pai mampokau komi malai da naka sondo wuami – inceʼemo waʼa mbua anu bareʼe da magero. Pai Papa da mawaika komi waʼa anu ndiperapi ri toʼo-Ku.

Tau anu maʼai pampotowenya waʼa balenya inceʼemo tau anu mantambusaka katuwunya tila waʼa balenya.

Sandaʼa-sandaʼa ri Yaku anu bareʼe mowua da ndatandosi pai sandaʼa-sandaʼa anu mowua inceʼe da ndapengawasi da naka maria powuanya.

Ndipedongeka patada-Ku seʼi: ndipombepotowe sambaʼa pai sambaʼa da ewa pampotowe-Ku komi.

Ane maria wuami, komi mampapeawamo i Papa pai tongawamo kamonconya komi anaguru-Ku.

Ndatoʼo woʼu i Yesu, “Yakumo seʼi woto anggoro anu monco, i Papaku ewa topeporewu bonde-A.

Tau anu bareʼe todo ri kasambaʼa-mbaʼa pai Yaku, da ndatajika ewa raʼa anu mangau. Waʼa raʼa setu da ndatendeka ri apu nepa ndapanowa.

Pura-puranya seʼi Kutoʼokamo komi, da naka wongko ndaya-Ku woʼu da tuwu ri rayami, tuarapa da maʼai kawongko ndayami.

Ane ndiwianaka waʼa ncongka-Ku, komi todo ri towe ndaya-Ku, ewa Yaku todo ri towe ndaya mPapa, maka Kuwianaka waʼa ncongka-A.

Inceʼimo songka anu Kutoʼoka komi: Ndipombepotowemo sambaʼa pai sambaʼa.”

Ane komi napotumpu lino, lawi da napotowe maka lawi anunya. Paikanya roomo Kupilisi komi ungka ri lino seʼi, mewali komi banyamo lino seʼi tumpunya. Inceʼe puʼunya lino mampobanciikamo komi.