Popular Bible Verses from YOHANE 17

Share

Ndipapewali tau seʼe anu-Mi anu ndapatani mampoliu kamonco, nuntu-Mi Papa inceʼemo kamonco.

Inceʼimo katuwu anu monco pai bareʼe da reʼe kapusanya; da naka tau anu maincani i Papa Pue Ala anu sambaʼa-mbaʼa anu monco, pai anu maincani i Yesu Kerisitu anu ndapokau i mPapa.

Banya podo tila ntau seʼe seʼi Kupekakaika, Kupekakaika woʼu waʼa ntau anu meaya ri Yaku ua posabi ntau seʼe seʼi. Kuperapi boo Papa, da naka pura-pura tau seʼe mewali sambaʼa-mbaʼa. Ewa i Papa sambaʼa-mbaʼa pai Yaku, pai Yaku sambaʼa-mbaʼa pai Papa. Mbolimo tau seʼe da sambaʼa-mbaʼa pai kita da naka lino seʼi maaya ka-Kominya anu mampokau Yaku.

Bareʼe Kuperapi ri Papa da naka i Papa mantima tau seʼe ungka ri lino seʼi, paikanya anu Kuperapi da naka i Papa mangantawanaka ungka ri Majaʼa.

Roomo Kuwaika tau seʼe peawa anu ndawai i mPapa ri Yaku, da naka tau seʼe mewali sambaʼa-mbaʼa ewa kita sambaʼa-mbaʼa. Yaku pai tau seʼe, pai i Papa pai Yaku; da naka tau seʼe monco-monco mewali sambaʼa-mbaʼa. Danapaincani lino seʼi, i Papa anu mampokau Yaku pai i Papa anu mampotowe tau seʼe ewa i Papa mampotowe Yaku.