YOHANE 17
17
I Yesu mompekakaika waĘĽa anaguru-A
17:1-26
1Roo mompau ewanceʼe metingara ri yangi i Yesu ndatoʼo, “Papa seʼi-seʼi ratamo ri temponya, ndibangkeimo Ana-Mi da naka Ana-Mi mabangkei Papa. 2Roo ndiwaika Ana-Mi kuasa ri pura-pura tolino da mawai katuwu anu monco pai bareʼe da reʼe kapusanya ri pura-pura tau anu ndapepombaika i mPapa ri Sira. 3Inceʼimo katuwu anu monco pai bareʼe da reʼe kapusanya; da naka tau anu maincani i Papa Pue Ala anu sambaʼa-mbaʼa anu monco, pai anu maincani i Yesu Kerisitu anu ndapokau i mPapa. 4Roo Kubangkei i Papa ri lino seʼi ri Kupamparoo tetala anu ndipokauka Yaku. 5Papa! iseʼi seʼe ndibangkeimo Yaku ri komi Papa, pai pebangkei anu Kupotumpu sangkani-ngkani pai Papa ri kabareʼepanya ndapapewali lino seʼi.
6Roomo Kupapaincanika tau kakominya Papa ri waĘĽa ntau ri lino seĘĽi anu ndipepombaika ri Yaku. WaĘĽa ntau seĘĽe komi tumpu-Nya, pai tau seĘĽe roo ndiwaika Yaku. Tau seĘĽe malulumo nuntu-Mi Papa. 7SeĘĽi-seĘĽi naincanimo ntau seĘĽe pura-pura, anu Kuwaika tau seĘĽe mopuĘĽu ungka ri Papa. 8Roomo Kuparataka tau seĘĽe nuntu anu ndawai i mPapa ri Yaku, pai nasabemo ntau seĘĽe. Naincanimo ntau seĘĽe ka-Yakunya monco-monco kojo rata ungka ri Papa, Pai naayamo ntau seĘĽe ka-Kominya Papa anu mampokau Yaku.
9Yaku mampekakaika tau seʼe, Yaku bareʼe mekakai tila lino seʼi paikanya podo tila ntau anu roo ndawai i mPapa ri Yaku, maka tau seʼe anu i mPapa. 10Pura-pura anu-Ku inceʼe anu i mPapa woʼu, pai pura-pura anu i mPapa inceʼe seʼe woʼu anu-Ku. Yaku ndapapeawa ri oyo ntau seʼe. 11Seʼi-seʼi Yaku maʼi ri Papa. Yaku banyamo ri lino kareʼe-Ku; paikanya tau seʼe ntongo maroo-roo ri lino. Papa anu Magali! Ndijagai tau seʼe ri kuasa ntoʼo i mPapa, inceʼemo toʼo anu roo ndawai i mPapa ri Yaku – da naka tau seʼe mewali sambaʼa-mbaʼa ewa i Papa pai Yaku sambaʼa-mbaʼa. 12#Pol. 41:9, Yoh. 13:18 Ntongo Yaku lau sangkani-ngkani pai tau seʼe, Kujagaimo tau seʼe ri kuasa ntoʼo i mPapa – toʼo anu ndawai i mPapa ri Yaku, roomo Kujaga tau seʼe pai bareʼe reʼe ri oyo ntau seʼe anu tetaji, banya mantoʼo siʼa anu lawi tetaji setu da naka kobangani anu naʼuki Ncura Magali. 13Seʼi Yaku maʼi ri Papa, pura-pura Kutoʼo ntongo Yaku seʼipa ri lino; da naka gana-gana paepe ntau seʼe kawongko ndaya-Ku. 14Roomo Kuparataka tau seʼe nuntu i mPapa, tau seʼe napobanciika lino seʼi, maka tau seʼe banyamo lino seʼi tumpunya, ewa Yaku woʼu banya lino seʼe tumpunya. 15Bareʼe Kuperapi ri Papa da naka i Papa mantima tau seʼe ungka ri lino seʼi, paikanya anu Kuperapi da naka i Papa mangantawanaka ungka ri Majaʼa. 16Ewa Yaku banya lino tumpunya, tau seʼe woʼu banya lino seʼi tumpunya. 17Ndipapewali tau seʼe anu-Mi anu ndapatani mampoliu kamonco, nuntu-Mi Papa inceʼemo kamonco. 18Ewa i Papa roo mampokau Yaku rata ri lino, ewanceʼe seʼe Yaku mampokau tau seʼe ri lino. 19Tila ntau seʼe, Yaku mampepombaika koro-Ku ewa sambaʼa anu i mPapa anu ndapatani, da naka tau seʼe woʼu mewali anu i mPapa anu ndapatani mampojaya kamonco.
20Banya podo tila ntau seĘĽe seĘĽi Kupekakaika, Kupekakaika woĘĽu waĘĽa ntau anu meaya ri Yaku ua posabi ntau seĘĽe seĘĽi. 21Kuperapi boo Papa, da naka pura-pura tau seĘĽe mewali sambaĘĽa-mbaĘĽa. Ewa i Papa sambaĘĽa-mbaĘĽa pai Yaku, pai Yaku sambaĘĽa-mbaĘĽa pai Papa. Mbolimo tau seĘĽe da sambaĘĽa-mbaĘĽa pai kita da naka lino seĘĽi maaya ka-Kominya anu mampokau Yaku. 22Roomo Kuwaika tau seĘĽe peawa anu ndawai i mPapa ri Yaku, da naka tau seĘĽe mewali sambaĘĽa-mbaĘĽa ewa kita sambaĘĽa-mbaĘĽa. 23Yaku pai tau seĘĽe, pai i Papa pai Yaku; da naka tau seĘĽe monco-monco mewali sambaĘĽa-mbaĘĽa. Danapaincani lino seĘĽi, i Papa anu mampokau Yaku pai i Papa anu mampotowe tau seĘĽe ewa i Papa mampotowe Yaku.
24Papa, da rayaku da naka tau seĘĽe sangkani-ngkani pai Yaku ri mbeĘĽi-mbeĘĽi ntano kareĘĽe-Ku, da naka nakita ntau seĘĽe peawa-Ku anu ndawaika Yaku i mPapa, maka i Papa mampotowe Yaku ri kabareĘĽepanya ndapapewali lino.
25Papa, Komi mayoa! Lino bareʼe maincani i Papa, paikanya Yaku maincani i Papa; pai waʼa ntau seʼi maincani ka-Kominya anu mampokau Yaku. 26Roo Kupapaincanika tau seʼe toʼo-Mi, da naka towe i mPapa ri Yaku da lau todo ri raya ntau seʼe, pai Yaku da sambaʼa-mbaʼa pai tau seʼe.”
Currently Selected:
YOHANE 17: LAIPMF
Highlight
Share
Copy
Want to have your highlights saved across all your devices? Sign up or sign in
