Popular Bible Verses from Zis 1

Share

Me zot pou gagn enn lafors kan Lespri Sin pou desann lor zot - lerla zot pou vinn mo temwin dan Zerizalem, dan Zide ek Samari e partou lor later.”

Zezi reponn, “Zot pena pou kone ki ler ki moman, mo Papa limem finn deside.

Letan li ti pe manze ansam ar zot, li ti donn zot lord napa kit Zerizalem, me atann ki promes so Papa realize kouma li ti dir, “Zan finn batiz ar dilo, me zot, dan enn de zour zot pou resevwar batem dan Lespri Sin.”

Apre so lamor, li ti donn zot boukou prev ki li ankor vivan. Li ti aparet ar zot pandan karant zour e li ti koz ar zot lor Rwayom Bondie.

Kouma Zezi ti fini koze, li ti mont dan ler e li disparet dan enn niaz.

Zot ti ankor pe get li monte dan lesiel kan zot trouv de zom anblan kot zot ki dir zot, “Bann abitan Galile, kifer zot pe kontign get lao dan lesiel koumsa? Sa Zezi la ki finn separe ar zot pou al dan lesiel, pou retourne parey kouma zot finn trouv li ale.”