Popular Bible Verses from Zis 2

Share

Pier reponn, “Repanti, e resevwar batem dan nom Zezi Kris pou zot gagn pardon pou zot pese; e zot pou resevwar don ki Bondie done, Lespri Sin.

Zot ti devoue zot letan pou ekout lansegnman bann apot e kominion fraternel, zot ti partaz repa lakominion e lapriyer.

Zot tou ti ranpli ar Lespri Sin e zot koumans koz dan lezot langaz dapre seki Lespri ti pe donn zot pou exprime.

Enn sel kout enn son terib ti sorti depi lesiel parey kouma enn divan violan ki pe soufle, e sa ti ranpli lakaz kot zot ti reyni. Lerla zot ti trouv seki paret kouma bann ti laflam dan form lalang, ki separe ek repoz lor sakenn parmi bann krwayan. Zot tou ti ranpli ar Lespri Sin e zot koumans koz dan lezot langaz dapre seki Lespri ti pe donn zot pou exprime.

Zour apre zour zot ti rasanble kouma enn group dan Tanp, zot ti kas dipin ansam dan lakaz, e ti pran zot repa ansam avek enn leker sinser e ranpli ar lazwa. Zot ti loue Bondie e ti gagn lestim tou bann dimoun. Toulezour Lesegner ti pe sov dimoun ki li ti pe azout dan zot group.

‘Ala seki pou arive dan dernie zour, Bondie dir, Mo pou repann mo Lespri lor tou dimoun. Zot garson, zot tifi pou anons mo mesaz; zot bann zenes pou trouv vizion, zot bann vie dimoun pou fer bann rev.

Tou bann krwayan ti ini e ti pe partaz tou zot dibien ansam. Zot ti vann zot dibien e seki zot posede, pou zot distribie li dapre seki sakenn ti bizin.

Lerla, ninport ki dimoun ki kriye sekour Lesegner, li pou sove.’

soley pou rant dan fernwar, lalinn vinn disan avan ki zour Lesegner arive dan grander, dan laglwar.