Popular Bible Verses from लूका 6

Share

दियो, तअ तुँओं खे भे देईलो, लोग दाबे-दाबियों अरह् शियों लाऐयों जाके-जाकियों तुँवारी हगाल़ी दो देले, किन्देंखे के जैसी पाथै सुल़्ल़ै लई तुँऐं मिंणों-तुलो, तैसी ही नाँप-तोल लई तुओं खे भे दियो ज़ालो।”

भला आदमी आप्णे सासो के आच्छै भंडार शी आच्छ़ी बातो नीकाल़ो; परह् जुण्जा बुरा असो, से भे आप्णें मंन की बुरे भंडार शी बुरी बातो नीकाल़ो; किन्देंखे के जुण्जो आप्णें मंन के भंडार दो भरो हों सैजो ही तअ आप्णी मुँह-ज़ात्ती शो बाँईडो आँव।

परह् तुऐं आप्णें बईरी आरी पियार करह्, अरह् तिनका भला करह्; अरह् उधार देऐयों पाछ़ू लअणों के आशा ने करे, तबै ही तुवाँरा ईनाँम बड़ा हला, अरह् तबै ही तुऐं परमप्रधान पंण्मिश्वर के अलाद बण्लें, किन्देंखे के पंण्मिश्वर तिनू गाशी भे जुण्जे धन्यबाद ने कर्दे, अरह् बुरे लोगो गाशी भे दया-कृपा करह्।

“दयाबाँन बंणों, जैष्णाँ तुवाँरा स्वर्गों का बाबा भे दयाबाँन असो; ओकी गाशी दोष-ईल़्जाँम ने लाऐ।

“दोष-ईल़्जाँम ने लाऐ, तअ तुँओं दा भे दोष-ईल़्जाँम ने लागो: दोषी-कसुरबार ने बाँणें, तअ तुओं भे दोषी-कसुरबार ने बाँणें ज़ाँव: माफ करह्, तअ तुओं खे भे माँफ करो ज़ालो।

“परह् हाँव तुओं शुण्णों आल़े खे बुलू, के आप्णे बईरी आरी पियार करह्, अरह् जुण्जा तुँओं आरी बईर करह् तैस्का भला करह्। अरह् जुण्जा तुओं खे श्राप-फिट्कारा दियों; तैस्खे तुऐं आशिर्बाद दियों। अरह् जुण्जा तुँओं आरी बुराबरताव करह्, तैस्खे तुऐ प्रार्थना करह्।

अरह् ओकी कैई शा जैष्णा तू बरताव आपु खे चाँऐं, तैसी आरी तू तैष्णा ही बरताव करे।

अरह् जुण्जा तेरे सोऐं खुप्टे दे थापे लाला, तैस्के ढबे डेरा खोप्टा भे फेरे, अरह् जुण्जा ताँव कैई शी दोवड़ आगू करला तैसी आप्णा जह्गा-कुर्ता भे आगु कर्णों दिऐ। अरह् जुण्जा कुँऐं ताँव कैई शो किऐ माँगला तैस्खे आगु दिऐ, अरह् जुण्जा कुँऐ तेरी किऐ च़ीज आगू दोड़ो, तैस्कैई शी पाछू ने माँगे।

“आच्छ़ी डाल़ी अरह् आच्छ़ी बैलो दा बूरा फल़ ने लागदा; अरह् तैष्णा ही बुरी डाल़ी अरह् बुरी बैलो दा आछा फल़ लागदा।

बादे डाल़ तैस्के ही फ़ल़ शे पंछ़्याणें ज़ाँव, लोग ना तअ काँडै-झालो शे तैर्मोंल़ो च़ूड़्दे; अरह् ना तैर्मोंल़ी की डाल़ी शे अंगूर च़ूड़्दी। लागदे।