Popular Bible Verses from लूका 7

Share

ईन्देंखे हाँव ताँव्खे बुलू, याँरे पाप जू बैजाऐ असो, से माफ हुऐ, किन्देंखे के ईऐं पियार शा भैजाऐ साँन माँनी थुवा; ईन्देंखे जैस्खे ठीको माँफ करी थो, से पियार शा साँन भे ठीका ही माँन्दा।” तबे प्रभू यीशू ऐ तियों तिरंई खे बुलो, “तेरे पाप माफ हुऐ।”

प्रभू यीशू ऐ तियों तिरंई खे बुलो, “तेरे बिश्वाषे ताँव बचाऐ पाऐ, खुशी शाँण्त्ति शी ज़ा।”

अरह् रूऐयों प्रभू यीशू के लात्तों कैई, पाछू दाँई खह्ल़ी गऐ; अरह् तिऐं आप्णी आँशुओं लई, तिन के लात्त धुऐ, अरह् आप्णें मुँढो के वाल़-कैष लई ऊबाँदी लागी, अरह् तिऐं बार-बार प्रभू के लात्तों दी खुप्टी देंदी रंऐ, अरह् सेजो सेंन्ट लात्तों दो मुँल़्दी रंऐ।

ईन्देंखे के हाँव ईन्दें ज़ुगा भे आथी ने; के तुओं कैई आँऊ; किन्देंखे के जे तुऐं ऐक आप्णा शब्द ही बुल़ै, तअ भे मेरा दास चाँग्गा हंदा। हाँव आपु भे कोसी ओकी के अधीन असो, अरह् कंऐयों सपाऐ भे मेरे अधीन असो; अरह् जबे हाँव आप्णे ऐकी सपाई खे बुलू के ‘ज़ा’ तअ से आगु ज़ाँव; अरह् जे कोसी ओकी खे बुलू, के ऊडा ‘आ’, से ऊडा आँव; अरह् जे कोसी आप्णें दास द खे बुलू के ऐष्णों करह्, तअ से भे तैष्णों ही करह्, जैष्णों हाँव चहाँऊ।” प्रभू यीशू के ऐजो शुणियों तूरंबाणच़ूंटे, अरह् तिन्ऐं आपु पाछ़ी आँणों वाल़े लोगों की ढबै फीरियों बुलो; “हाँव तुओं खे बुलू: के मुँह गाशी इस्राएल दा भे कुँऐ ऐत्रा पाक्का बिश्वाष कर्णो वाल़ा ने आथी।”

तैख्णी ही प्रभू यीशू ऐ बैजाऐ भहीतें बीमार-दु:खिया, अरह् दुष्ट-आत्त्मा के च़ूड़ै अंदे लोग, अरह् बैजाऐ बहीते शैड़े लोगों खे नंजर दिती। अरह् प्रभू यीशू ऐ तिनू संत्त-यूहन्ना के चैले खे बुलो, के “ज़ाव, तुऐं जुण्जो शुणों अरह् दे:खों, सेजो संत्त-यूहन्ना कैई आगु बुले, के शैड़े दे:ख्दे लागो, अरह् लंगड़ै आगु हाँडो; अरह् कोढ़ी-रूगी शुद्ध करे ज़ाँव, अरह् जाऐरे शुण्दें लागो, अरह् मुढ़्दे जीऊँदे करे ज़ाँव, गरीब लोगो खे खुष्खबरी शुणाँऐ ज़ाँव।