Popular Bible Verses from मत्ती 21

Share

अरह् जुण्जो किऐ तुँऐं प्रार्थना दो बिश्वाष शो माँगले सेजो सब तुँओं खे भेट्लो।”

प्रभू यीशू ऐ तिनखे जबाब दिता, “तुँऐं ऐजी खास बात सम्झी पाव: जे तुवाँरे बिश्वाष हों; षकं-शुभा बिल्कुल भी ने करह्, तअ जुण्जो ईयों तेर्मोल़ी के डाल़ी आरी हुओं, तअ जे तुऐं ऐसी पर्वत घारह् खे भे अज्ञाँ दियोखं, के ‘ऊख्ली ज़ा, अरह् समुँन्द्र दा ज़ाऐयों पढ़!’ तअ ऐजो भे हऐ ज़ाँदो।

तबे जुण्जे लोगो की भीड़ आगे-आगे अरह् तिनू पाछी-पाछी चाली रंऐ थी; से लेल्याऐ-लेल्याऐयों बुलो थिऐ, “राजा दाऊद की अलादी की होशाना। भागोईत असो! सेजे जू प्रभू, के नाँव शे आँव, स्वर्गो दे रंहणों वाल़े पंणमिश्वर खे होशाना।”

अरह् तिनखे बुलो, “पबित्र-ग्रन्थों दो लिखी थो के ‘मेरी देऊँठी खे प्रार्थना को घर बुलो ज़ाँदो’; परह् तुँऐं ऐथू डाकू खे चूंरिणों की जागा बाणीं थंऐ।”

“सिय्योन की बेटी खे ऐजा शुज़ा दियों, ‘देख, तेरा राजा ताँव कैई आँदा लागा; से शरीफ़ अरह् गाद्दे गाशी बऐठी रूवा; होर, मतल्व गाद्दी के गाद्दड़ू गाशी, बोझ़ ढोणों वाल़े के बच्चै गाशी।’”

प्रभू यीशू ऐ तिनखे बुलो, “कियो तुँऐं पबित्र-ग्रन्थों दो कद्दी ने पढ़ी थंई: के ‘जेसी पाथर राज बाढ़ईऐं नीकारा बाँणा थिया, सेजा ही पाथर कुँणें-कड्वारे का पाथर बंणा? ऐष्णों प्रभू की ढबे शो हुओं, अरह् अमाँरी नंजरी दा ऐजा चंम्त्तकार असो।’

“ईन्देंखे हाँव तुँओं सोभी गाशी ऐजी सचाऐं पर्गट करू: के पंणमिश्वर को राज्य तुँओं कैई शो आगू दोड़दो, अरह् तेसी जात्ती खे सोपी देईदो, जू ईन्दे का पुरा फल़ लियाला।