Popular Bible Verses from Hechos 4

Share

Soo kua̱chi Jesús kúvi natavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó, chi ntu̱né íyó inka ka̱ꞌ nu̱u̱nꞌ kɨꞌɨ‑ó sáva nanitáꞌvíꞌ‑ó. Chi ntu̱né íyó inka ka̱ꞌ súví ni ɨɨn ñɨvɨ nu̱u̱nꞌ ñɨ̱vɨ́ yaꞌá ya̱ njia̱ꞌa Ndiosíꞌ nu̱u̱nꞌ ñɨvɨ sáva natavaꞌ re̱ꞌ yó nu̱u̱nꞌ kua̱chi‑ó sikáku re̱ꞌ yó ―nkachiꞌ Pedro.

Jee sáá nkuvi nkaꞌanꞌ ráa jín Ndiosíꞌ, jee nta̱an nu̱u̱nꞌ íyó tútú ráa. Jee nchi̱tú Ta̱chi̱ꞌ Ííꞌ Ndiosíꞌ nta̱ká ráa, jee nchu̱neí iniꞌ ráa káchíꞌ ráa Tu̱ꞌun Ndiosíꞌ.

Jee ntañúꞌún, I̱toꞌoꞌ ráníꞌ, tɨɨn kuéntáꞌ nú ya̱ nsi̱úꞌví ráa ránuꞌuꞌ, ya̱ kúvi ránꞌ rá musúꞌ nú, jee taji nú ya̱ chuneí iniꞌ ránꞌ kaꞌanꞌ ránꞌ tu̱ꞌun nú.

Jesús yaꞌá nku̱ichi iniꞌ rán maa sú kúñáꞌnú re̱ꞌ ka̱ꞌ nu̱u̱nꞌ nɨꞌɨ, kuéntáꞌ nku̱ichi iniꞌ rá te̱e jiáni veꞌi yu̱u̱ꞌ ya̱ nkenta kúvi yu̱u̱ꞌ yɨ́tuvi‑i veꞌi kuéntáꞌ sɨꞌɨnꞌ nka̱ꞌnú.

Jee sáá niniꞌ ráa ya̱ chúneí iniꞌ Pedro jín Juan, jee sáá nku̱káꞌnú iniꞌ ráa ya̱ nsú te̱e nsu̱kuáꞌa víꞌí ví rává jee kúvi rává te̱e saɨn, jee nti̱vɨ́ xi̱ni̱ꞌ ráa. Jee nna̱kuniꞌ ráa ya̱ kúvi rává rá te̱e nku̱táꞌán rává jín Jesús.

Jee rá ñɨvɨ kue̱ꞌe̱ꞌ ya̱ kúneí iniꞌ ráa Jesús, jee nuún ánímaꞌ ráa jee nuún ñúꞌún iniꞌ ráa. Ni ɨɨn ráa ntu káchíꞌ ya̱ kua̱chi maáréꞌ ví i̱toꞌoꞌ xí na̱ni nantíñú re̱ꞌ. Chi nñu̱ꞌun iniꞌ ráa ya̱ nɨꞌɨ nantíñú ráa kúvi nantíñú nkáꞌnú ráa.