Popular Bible Verses from Hechos 5

Share

Soo Pedro jín rá inka te̱e kúvi apóstol nna̱xiníkó ráa, jee nkachiꞌ ráa: ―Íyó kaníjiá ránꞌ Ndiosíꞌ nsú káꞌ rá te̱e.

Jee ta ki̱vɨ̱ꞌ iniꞌ veñu̱ꞌun káꞌnú jín ta veꞌi ta veꞌi, ni ntu̱né nsíkɨ́kui̱ñɨ̱ꞌ ráa xínéꞌénꞌ ráa jee stékútu̱ꞌún ráa tu̱ꞌun váꞌa jie̱ꞌe̱ꞌ Cristo Jesús.

Soo nkachiꞌ Pedro nu̱u̱nꞌ‑u: ―Ananías, ¿na̱ jie̱ꞌe̱ꞌ chi nku̱neí Satanás ntɨɨn‑ɨ ánímaꞌ nú, sáva katúꞌún nú nu̱u̱nꞌ Ta̱chi̱ꞌ Ííꞌ Ndiosíꞌ, jee nkino̱o nú jín sava xu̱ꞌún ya̱ꞌvi ñuꞌun nú ya̱ nxi̱kó nú? ¿Á nsú ñuꞌun nú kúvi vá, nékúvi? Jee sáá nxi̱kó nú maa, ¿á nsú xu̱ꞌún nú kúvi vá résa? ¿Na̱kui chi nkaꞌvi iniꞌ nú saꞌá nú suꞌva, résa? Nsú nu̱u̱nꞌ rá ñɨvɨ nka̱túꞌún nú, chisaꞌ nu̱u̱nꞌ Ndiosíꞌ nka̱túꞌún nú ―nkachiꞌ Pedro. Sáá nteso̱ꞌo Ananías rá tu̱ꞌun yaꞌá jee ni̱ꞌi̱ꞌ re̱ꞌ, jee nna̱niso re̱ꞌ. Jee yúꞌví nasɨ́kuitɨꞌ ntáká ráa ya̱ nteso̱ꞌo ya̱ nkuvi.

Jee vitan káchíꞌ ni̱ꞌ nu̱u̱nꞌ rán, kusaá rán ráa jee koto kíní rán maárán jín rá te̱e yaꞌá. Chi ré tiñu ya̱ nna̱túꞌún rá te̱e ni ví tiñu yaꞌá, áxí retú kua̱chi maáráa sáꞌá maa ni, jee nɨꞌɨ naanꞌ. Soo retú tiñu sáꞌá Ndiosíꞌ ví‑i, nkúvi xináánꞌ rán ráa jee nito koo rán maárán chi sa̱naanꞌ kukáꞌnú iniꞌ rán ya̱ kántáꞌán rán jín Ndiosíꞌ ―nkachiꞌ Gamaliel nu̱u̱nꞌ ráa.