Popular Bible Verses from Génesis 26

Share

Jee kino̱o kuneeꞌ nu̱u̱nꞌ ñuꞌún yaꞌá kuéntáꞌ ɨɨn to̱ꞌo̱ꞌ, jee íyó ni̱ꞌ jín nú, jee sáꞌá ni̱ꞌ ya̱ netuꞌ kúvi nú, chi nu̱u̱nꞌ noꞌó jín nu̱u̱nꞌ rá ñɨvɨ kiji ichiyúkúnꞌ nú táji ni̱ꞌ kua̱íyó rá ñuꞌun yaꞌá. Jee suꞌva sáꞌá kutú ni̱ꞌ tu̱ꞌun ya̱ nsa̱ꞌá náaꞌ ni̱ꞌ nu̱u̱nꞌ tu̱ꞌun nkaꞌanꞌ ni̱ꞌ nu̱u̱nꞌ tátáꞌ nú Abraham.

Jee saꞌá ni̱ꞌ ya̱ nukueꞌeꞌ víꞌí rá tataꞌ ichiyúkúnꞌ váji nu̱u̱nꞌ nú kuéntáꞌ kue̱ꞌe̱ꞌ rá tiu̱u̱nꞌ íyó súkún, jee ku̱ꞌva ni̱ꞌ kua̱íyó rá ñuꞌun yaꞌá nu̱u̱nꞌ ráa. Jee kuatíñú ni̱ꞌ rá ichiyúkúnꞌ nú sáva kiji ya̱ netuꞌ kuvi ñɨvɨ ntáká rá nación íyó ñɨ̱vɨ́ yaꞌá. Chi nka̱níjiá Abraham tu̱ꞌun nkachiꞌ ni̱ꞌ jee nsi̱kúnkuvi re̱ꞌ rá nte̱tuvi ni̱ꞌ re̱ꞌ, jín rá tu̱ꞌun nta̱túníꞌ ni̱ꞌ nu̱u̱nꞌ re̱ꞌ, jín rá tu̱ꞌun nsa̱ꞌá náaꞌ ni̱ꞌ nu̱u̱nꞌ re̱ꞌ, jín rá tu̱ꞌun nxi̱néꞌénꞌ ni̱ꞌ”, nkachiꞌ Ndiosíꞌ nu̱u̱nꞌ Isaac.

Jee nkuiyo Isaac yukuán kua̱ꞌa̱nꞌ re̱ꞌ jee ñe̱te̱ꞌ rá musúꞌ re̱ꞌ inka sókó nute. Jee ntu̱ví nka̱ntáꞌán ráa ka̱ꞌ jie̱ꞌe̱ꞌ sókó vá, jee nsi̱kúnání re̱ꞌ súví‑i “Íyó Núne Níkáꞌ”, jee nkachiꞌ Isaac “Vitan jee ntaji I̱toꞌoꞌ nu̱u̱nꞌ ránꞌ nu̱u̱nꞌ íyó núne níkáꞌ jee nukueꞌeꞌ‑ó nu̱u̱nꞌ ñuꞌun yaꞌá.”

Jee yukuán ntu̱ví I̱toꞌoꞌ nu̱u̱nꞌ Isaac jee nkachiꞌ‑i nu̱u̱nꞌ re̱ꞌ: “Koto jiáꞌánꞌ nú ñuunꞌ Egipto. Kino̱o nú kuneeꞌ nú nu̱u̱nꞌ ñuꞌún ya̱ kachiꞌ ni̱ꞌ nu̱u̱nꞌ nú.

Saájee nsamaꞌ re̱ꞌ yu̱u̱ꞌ yukuán sáva kaꞌniꞌ re̱ꞌ sa̱na̱ꞌ so̱ko̱ꞌ re̱ꞌ teñuꞌunꞌ re̱ꞌ so̱ko̱ꞌ re̱ꞌ rátíꞌ nu̱u̱nꞌ I̱toꞌoꞌ‑ó, jee nneñu̱ꞌun re̱ꞌ nu̱u̱nꞌ I̱toꞌoꞌ‑ó. Jee ntee re̱ꞌ veꞌi sayo saꞌma re̱ꞌ kuneeꞌ re̱ꞌ yukuán, jee ñe̱te̱ꞌ rá musúꞌ re̱ꞌ ɨɨn sókó nute.