Popular Bible Verses from Génesis 27

Share

Jee jíkánꞌ táꞌvíꞌ ni̱ꞌ nu̱u̱nꞌ Ndiosíꞌ ya̱ taji re̱ꞌ nu̱u̱nꞌ nú yúyú kiji súkún, jín rá tataꞌ váꞌa kéne nu̱u̱nꞌ ñuꞌún, jín kue̱ꞌe̱ꞌ víꞌí tataꞌ sáꞌá kajiꞌ nú jín kue̱ꞌe̱ꞌ víꞌí nixiꞌ nu̱xi uva jiáá koꞌo nú. Jee kue̱ꞌe̱ꞌ víꞌí ñɨvɨ kɨtíñú ráa nu̱u̱nꞌ nú, jee nakui̱ñɨ̱ꞌ ítɨ́ kue̱ꞌe̱ꞌ ñɨvɨ nu̱u̱nꞌ noꞌó, jee kuvi nú i̱toꞌoꞌ nu̱u̱nꞌ rá ñaniꞌ maánú, jee nakui̱ñɨ̱ꞌ ítɨ́ rá se̱ꞌya nááꞌ nú nu̱u̱nꞌ noꞌó. Jee rá ñɨvɨ ya̱ chisónínu noꞌó jee suviráa vá kosoni̱nu ráa, jee rá ñɨvɨ saꞌá ya̱ váꞌa jín nú jee suviráa vá ni̱ꞌi̱nꞌ ya̱ saꞌá Ndiosíꞌ ya̱ netuꞌ kuvi ráa”, nkachiꞌ ya̱chi̱ꞌ Isaac nu̱u̱nꞌ Jacob ya̱ koo ichinúúnꞌ jín re̱ꞌ.

Saájee nkachiꞌ Esaú: ―¡Va̱tu̱ni vá nsi̱kúnání ráa súví re̱ꞌ Jacob, chi ya̱ kua̱ꞌa̱nꞌ u̱vi̱ꞌ íchí ya̱ nna̱koso re̱ꞌ nu̱u̱nꞌ nuꞌuꞌ!, chi xíꞌna nka̱neeꞌ re̱ꞌ ya̱ kuvi ta̱ꞌvi̱ꞌ ni̱ꞌ ya̱ kúvi ni̱ꞌ te̱e ya̱ nkaku xíꞌnañúꞌún ka̱ꞌ, jee vitan ¡nka̱neeꞌ re̱ꞌ rá tu̱ꞌun váꞌa ya̱ íyó ni̱ꞌi̱nꞌ ni̱ꞌ ya̱ netuꞌ kuvi ni̱ꞌ nékúvi! ―jee ni̱ka̱tu̱ꞌún re̱ꞌ―, ¿á ni ntu̱ví nchúváꞌa nú inka ka̱ꞌ tu̱ꞌun váꞌa ya̱ kuvi ni̱ꞌ ya̱ kachiꞌ nú nu̱u̱nꞌ ni̱ꞌ ya̱ netuꞌ kuvi ni̱ꞌ? ―nkachiꞌ Esaú nu̱u̱nꞌ tátáꞌ re̱ꞌ.

Saájee nna̱xiníkó tátáꞌ re̱ꞌ Isaac jee nkachiꞌ‑i nu̱u̱nꞌ re̱ꞌ: “Maá nááꞌ nijia, kuneeꞌ íká nú nu̱u̱nꞌ rá tataꞌ váꞌa kéne nu̱u̱nꞌ ñuꞌún, jee kuneeꞌ íká nú nu̱u̱nꞌ yúyú kiji súkún. Jee kantáꞌán nú jín yuchiꞌ espada nú jín ñɨvɨ sáva ni̱ꞌi̱nꞌ nú ya̱ kutekuꞌ nú. Jee kɨꞌɨ nú xi̱ntíín ñaniꞌ nú kɨtíñú nú nu̱u̱nꞌ re̱ꞌ. Soo sáá kunakui iniꞌ nú ka̱ꞌ, jee nakani núne nú maánú xi̱ntíín re̱ꞌ”, nkachiꞌ ya̱chi̱ꞌ Isaac nu̱u̱nꞌ se̱ꞌya yɨ́ɨ́ re̱ꞌ Esaú jie̱ꞌe̱ꞌ ya̱ kunoꞌo rá ichiyúkúnꞌ váji nu̱u̱nꞌ‑u.

Soo jíkánꞌ táꞌvíꞌ Esaú nu̱u̱nꞌ tátáꞌ re̱ꞌ: ―¿Á métúꞌún ni tu̱ꞌun váꞌa íyó ya̱ kachiꞌ nú, tááꞌ maáníꞌ? ¡Suni taji nu̱u̱nꞌ ni̱ꞌ rá tu̱ꞌun váꞌa ya̱ kachiꞌ nú ya̱ netuꞌ kuvi ni̱ꞌ, tátáꞌ maáníꞌ! ―nkachiꞌ Esaú, jee nki̱jéꞌé re̱ꞌ náꞌyúꞌ re̱ꞌ.