Popular Bible Verses from Génesis 28

Share

Kune̱ꞌyá, maáníꞌ íyó jín nú jee kumí ni̱ꞌ noꞌó né ni ví nkuvi nu̱u̱nꞌ kɨ̱ꞌɨ̱nꞌ nú, jee saꞌá ni̱ꞌ ya̱ nikó nú nu̱u̱nꞌ ñuꞌun yaꞌá. Chi nsáꞌ xinóo ni̱ꞌ noꞌó nekuaꞌ sikúnkuvi ni̱ꞌ ya̱ nchi̱sóyuꞌú ni̱ꞌ nu̱u̱nꞌ nú”, nkachiꞌ Ndiosíꞌ nu̱u̱nꞌ re̱ꞌ.

Jee suni niniꞌ re̱ꞌ I̱toꞌoꞌ íñɨ́‑ɨ xi̱ni̱ꞌ escalerá vá, jee káchíꞌ‑i nu̱u̱nꞌ re̱ꞌ: “Maáníꞌ kúvi I̱toꞌoꞌ, ya̱ kúvi Ndiosíꞌ néñu̱ꞌun tájííꞌ nú Abraham jín tátáꞌ nú Isaac. Jee ñuꞌun nu̱u̱nꞌ káá nú yaꞌá taji ni̱ꞌ maa nu̱u̱nꞌ nú jín nu̱u̱nꞌ rá ñɨvɨ kiji kuvi ichiyúkúnꞌ nú.

Jee nnoto Jacob ya̱ kíxíꞌ re̱ꞌ, jee nkaꞌvi iniꞌ re̱ꞌ: “Na̱a̱ꞌ nijia ya̱ íyó I̱toꞌoꞌ máá yaꞌá, jee nuꞌuꞌ jee ntu̱ví jíníꞌ ni̱ꞌ”, nkaꞌvi iniꞌ Jacob.

Jee nsa̱ꞌá náaꞌ re̱ꞌ nu̱u̱nꞌ tu̱ꞌun káꞌánꞌ re̱ꞌ: “Retú koo Ndiosíꞌ jín nuꞌuꞌ, jee kumaꞌñu kusava re̱ꞌ nuꞌuꞌ nu̱u̱nꞌ ichi yaꞌá nu̱u̱nꞌ kɨ̱ꞌɨ̱nꞌ ni̱ꞌ, jee taji re̱ꞌ ya̱ kajiꞌ ni̱ꞌ jín saꞌma kuꞌun ni̱ꞌ, jee retú nikó va̱ꞌa tuku ni̱ꞌ nu̱u̱nꞌ veꞌi tátáꞌ ni̱ꞌ, saájee I̱toꞌoꞌ kuvi re̱ꞌ Ndiosíꞌ ni̱ꞌ. Jee yu̱u̱ꞌ yaꞌá ya̱ ñani ni̱ꞌ kuéntáꞌ sɨꞌɨnꞌ sáva kuvi‑i ɨɨn seña, jee kuvi‑i veꞌi Ndiosíꞌ. Jee ntáká rá nantíñú ya̱ taji nú nu̱u̱nꞌ ni̱ꞌ, jee taji ni̱ꞌ nu̱u̱nꞌ noꞌó ni u̱ji̱ꞌ ni u̱ji̱ꞌ ta sientúꞌ.”

Jee kenta kukueꞌeꞌ nasɨ́kuitɨꞌ ráa kuéntáꞌ ti̱ka̱cha̱a̱ꞌ ñuꞌun, jee kutenuun ráa ne̱ nu̱u̱nꞌ nteñúꞌún káꞌnú nu̱u̱nꞌ táꞌán nka̱niiꞌ, jín ne̱ ichi kénta nka̱niiꞌ, jín ne̱ ichi norte, jín ne̱ ichi sur, jee kuatíñú ni̱ꞌ noꞌó jín rá ñɨvɨ kiji kuvi ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká táꞌán ichiyúkúnꞌ ñɨvɨ ñɨ̱vɨ́ yaꞌá.

Jee nsi̱kúnání re̱ꞌ yukuán súví “veꞌi Ndiosíꞌ”, soo tióꞌ ya̱ta̱ꞌ nna̱ní ñuunꞌ vá Luz nékúvi.