Popular Bible Verses from Juan 10

Share

’Te̱e kuíꞌná kiji re̱ꞌ sáva kua̱chi máá saꞌá kuíꞌná re̱ꞌ, kaꞌniꞌ re̱ꞌ, jee xináánꞌ re̱ꞌ. Soo nuꞌuꞌ va̱ji ni̱ꞌ sáva kúvi ni̱ꞌi̱nꞌ rá ñɨvɨ ni̱ꞌ ya̱ kutekuꞌ ráa jín Ndiosíꞌ nɨ́ɨ́nkání jee na̱ ka̱ꞌ viiꞌ ka̱ꞌ kueꞌnu ráa jín Ndiosíꞌ ichi re̱ꞌ ñɨ̱vɨ́ yaꞌá.

’Jee nuꞌuꞌ chi kúvi ni̱ꞌ kuéntáꞌ I̱toꞌoꞌ va̱ꞌa xí rá lanchi, ya̱ náka va̱ꞌa ni̱ꞌ rátíꞌ. Chi te̱e ya̱ náka va̱ꞌa re̱ꞌ rá lanchi re̱ꞌ asúnika̱ꞌ ne̱ kuviꞌ re̱ꞌ jie̱ꞌe̱ꞌ rátíꞌ ya̱ náka va̱ꞌa re̱ꞌ rátíꞌ.

Chi rá ñɨvɨ ni̱ꞌ ya̱ kúvi ráa kuéntáꞌ lanchi ni̱ꞌ, jee suviráa vá tésóꞌo ráa ta̱chi̱yuꞌú ni̱ꞌ. Jee jíníꞌ va̱ꞌa ni̱ꞌ iniꞌ ráa. Jee níkɨ́nꞌ ráa nuꞌuꞌ.

Jee ku̱ꞌva ni̱ꞌ nu̱u̱nꞌ ráa ya̱ kutekuꞌ ráa nɨ́ɨ́nkání jín nuꞌuꞌ, soo ni nsáꞌ kuviꞌ ánímaꞌ ráa chi koo ráa jín Ndiosíꞌ nɨ́ɨ́nkání, jee ni ɨɨn ntu̱náꞌ kaneeꞌ‑e rá ñɨvɨ vá naꞌá ni̱ꞌ.

Soo nuꞌuꞌ chi kúvi ni̱ꞌ kuéntáꞌ ɨɨn yuvéꞌí. Jee retú ki̱vɨ néni ɨɨn ñɨvɨ naꞌá Ndiosíꞌ jie̱ꞌe̱ꞌ ni̱ꞌ, jee natavaꞌ re̱ꞌ maa nu̱u̱nꞌ kua̱chi‑i jee nanitáꞌvíꞌ‑i. Kúvi‑i kuéntáꞌ lanchi ni̱ꞌ ya̱ néne nívɨ jee ni̱ꞌi̱nꞌ ti̱ꞌ iteꞌ kajiꞌ ti̱ꞌ.

’Jee nuꞌuꞌ chi kúvi ni̱ꞌ kuéntáꞌ I̱toꞌoꞌ va̱ꞌa xí rá lanchi, ya̱ náka va̱ꞌa ni̱ꞌ rátíꞌ. Jee jíníꞌ va̱ꞌa ni̱ꞌ iniꞌ rá ñɨvɨ maáníꞌ, ya̱ kúvi ráa kuéntáꞌ lanchi ni̱ꞌ, jee suni jíníꞌ va̱ꞌa rá ñɨvɨ maáníꞌ iniꞌ nuꞌuꞌ.

Chi máá Tátáꞌ ni̱ꞌ ya̱ nna̱tají re̱ꞌ rá ñɨvɨ vá nu̱u̱nꞌ ni̱ꞌ, jee maáréꞌ ví ya̱ kúñáꞌnú nasɨ́kuitɨꞌ ka̱ꞌ nu̱u̱nꞌ nta̱ká, jee ni ɨɨn ntu kúvi nakaneeꞌ‑e rá ñɨvɨ vá naꞌá re̱ꞌ. Chi nuꞌuꞌ jín Tátáꞌ ni̱ꞌ, jee ɨɨn ni̱ꞌ kúvi ránꞌ ―nkachiꞌ Jesús.

Kuéntáꞌ Tátáꞌ ni̱ꞌ, chi jíníꞌ va̱ꞌa re̱ꞌ iniꞌ nuꞌuꞌ, jee suni jíníꞌ ni̱ꞌ iniꞌ Tátáꞌ ni̱ꞌ. Jee ku̱ꞌva ni̱ꞌ maáníꞌ kuviꞌ ni̱ꞌ sáva sikáku ni̱ꞌ rá ñɨvɨ ni̱ꞌ ya̱ kúvi ráa kuéntáꞌ lanchi ni̱ꞌ.

Chi ni ɨɨn ñɨvɨ ntu̱ví kuvi kaꞌniꞌ ráa nuꞌuꞌ, chisaꞌ maáníꞌ ví ya̱ jiáꞌayuꞌú ni̱ꞌ ya̱ kuviꞌ ni̱ꞌ. Chi níso ni̱ꞌ tiñu ñáꞌnú ííꞌ ni̱ꞌin ya̱ jiáꞌayuꞌú ni̱ꞌ ya̱ kuviꞌ ni̱ꞌ, jee suni níso ni̱ꞌ tiñu ñáꞌnú ííꞌ ni̱ꞌin ya̱ xinátekuꞌ i̱i̱ꞌ tuku ni̱ꞌ maáníꞌ. Chi sukuán nta̱túníꞌ Tátáꞌ ni̱ꞌ nu̱u̱nꞌ ni̱ꞌ ya̱ saꞌá ni̱ꞌ ―nkachiꞌ Jesús nu̱u̱nꞌ ráa.

Saájee tukuni nkachiꞌ Jesús: ―Máá na̱a̱ꞌ vá káchíꞌ ni̱ꞌ nu̱u̱nꞌ rán ya̱ nuꞌuꞌ kúvi ni̱ꞌ kuéntáꞌ yuvéꞌí kuráꞌ nu̱u̱nꞌ nene nívɨ rá lanchi.

Soo musúꞌ ya̱ íyó ya̱ꞌvi re̱ꞌ jee kúmí re̱ꞌ rátíꞌ, jee nsú i̱toꞌoꞌ xí rá lanchi vá kúvi re̱ꞌ, chi nsú lanchi maáréꞌ kúvi rátíꞌ. Sáá jíníꞌ re̱ꞌ ya̱ va̱ji ɨɨn váꞌúꞌ jee xínóo re̱ꞌ rá lanchi jee jínu re̱ꞌ kua̱ꞌa̱nꞌ re̱ꞌ. Jee váꞌúꞌ vá chi tɨ́ɨn ti̱ꞌ rá lanchi, jee síkúténuun ti̱ꞌ rátíꞌ.

Jee nkachiꞌ Jesús: ―Máá na̱a̱ꞌ vá káchíꞌ ni̱ꞌ nu̱u̱nꞌ rán ya̱ retú ɨɨn te̱e jee ntu̱ví kívɨ re̱ꞌ nu̱u̱nꞌ kúvi yuvéꞌí ɨɨn kuráꞌ rá lanchi, chisaꞌ inka ichi nu̱u̱nꞌ kúvi i̱ka̱ꞌ kuráꞌ nava re̱ꞌ ki̱vɨ re̱ꞌ, jee te̱e vá te̱e kuíꞌná kúvi re̱ꞌ.