Popular Bible Verses from Juan 11

Share

Jee nkachiꞌ Jesús nu̱u̱nꞌ ña: ―Nuꞌuꞌ kúvi ya̱ sáꞌá ni̱ꞌ ya̱ natekuꞌ i̱i̱ꞌ ñɨvɨ nako̱o ráa kene ráa nteñu rá níꞌiꞌ jín ya̱ sáꞌá ni̱ꞌ ya̱ kutekuꞌ ráa nɨ́ɨ́nkání jín Ndiosíꞌ. Jee rá ñɨvɨ ya̱ kúneí iniꞌ ráa nuꞌuꞌ, jee súnika̱ꞌ kuviꞌ ráa, jee kutekuꞌ ráa jín Ndiosíꞌ nɨ́ɨ́nkání. Jee nta̱ká rá tékúꞌ jee kúneí iniꞌ ráa nuꞌuꞌ, ni nsáꞌ kuviꞌ ánímaꞌ ráa chi koo ráa jín Ndiosíꞌ. ¿Á jínúꞌ iniꞌ nú rá tu̱ꞌun yaꞌá? ―nkachiꞌ Jesús.

Soo nkachiꞌ Jesús: ―¿Á nsáꞌ nkachiꞌ ni̱ꞌ nu̱u̱nꞌ nú ya̱ retú jínúꞌ iniꞌ nú nuꞌuꞌ jee kuniꞌ nú ya̱ kúñáꞌnú nasɨ́kuitɨꞌ ví Ndiosíꞌ? ―nkachiꞌ Jesús.

Jee nnaꞌyuꞌ Jesús.

Jee sáá nteso̱ꞌo Jesús rá tu̱ꞌun yaꞌá, jee nkachiꞌ re̱ꞌ: ―Kue̱ꞌi̱ꞌ yaꞌá jee nsú kue̱ꞌi̱ꞌ kuviꞌ re̱ꞌ kuvi‑i. Chisaꞌ sáva stúvi‑i ya̱ kúñáꞌnú nasɨ́kuitɨꞌ Ndiosíꞌ, sáva jie̱ꞌe̱ꞌ vá kuniꞌ rá ñɨvɨ ya̱ kúñáꞌnú ni̱ꞌ ya̱ kúvi Se̱ꞌya Ndiosíꞌ ―nkachiꞌ Jesús.

Jee sáá nkachiꞌ Jesús sukuán, jee nka̱najíín ni̱ꞌin re̱ꞌ: ―¡Lázaro, kene i̱ña̱ꞌ! ―nkachiꞌ re̱ꞌ. Jee Lázaro, ya̱ níꞌiꞌ re̱ꞌ, nkene re̱ꞌ ne̱ yaviꞌ nu̱u̱nꞌ yɨ́ꞌɨ́ re̱ꞌ, jee yɨ́sukunꞌ rá naꞌá re̱ꞌ jín rá jie̱ꞌe̱ꞌ jín tiráꞌ saꞌma kuíjín, jee suni yɨ́sukunꞌ saꞌma nu̱u̱nꞌ re̱ꞌ ranika̱ꞌ. Jee nkachiꞌ Jesús nu̱u̱nꞌ rá ñɨvɨ: ―Nanají rán rá saꞌma ya̱ yɨ́sukunꞌ re̱ꞌ, jee siaáꞌ rán re̱ꞌ kɨ̱ꞌɨ̱nꞌ re̱ꞌ ―nkachiꞌ Jesús.

Jee tukuni nku̱níní iniꞌ Jesús, jee nkanta re̱ꞌ nu̱u̱nꞌ veꞌi ni̱yɨ nu̱u̱nꞌ nse̱ꞌí ráa Lázaro ya̱ kúvi ɨɨn yaviꞌ kava, jee yuꞌú kava vá násɨ́ꞌ ɨɨn yu̱u̱ꞌ káꞌnú.

Jee sáá nkuvi nkachiꞌ re̱ꞌ yaꞌá, jee nkachiꞌ re̱ꞌ nu̱u̱nꞌ ráa: ―Lázaro, te̱e ya̱ ma̱ni̱ꞌ jín‑órán, kíxíꞌ re̱ꞌ, soo kɨ̱ꞌɨ̱nꞌ ni̱ꞌ kixinóto ni̱ꞌ re̱ꞌ ―nkachiꞌ Jesús.