Popular Bible Verses from Juan 8

Share

Jee tukuni nkaꞌanꞌ Jesús jín rá ñɨvɨ, jee nkachiꞌ re̱ꞌ nu̱u̱nꞌ ráa: ―Nuꞌuꞌ ñuꞌunꞌ kúvi ni̱ꞌ nu̱u̱nꞌ rá ñɨvɨ ñɨ̱vɨ́ ya̱ stúúnꞌ ni̱ꞌ iniꞌ ánímaꞌ ráa, jee ɨɨn ñɨvɨ ya̱ níkɨ́nꞌ‑ɨ nuꞌuꞌ ntu̱né kaka‑a ñujiínꞌ nu̱u̱nꞌ neenꞌ, chisaꞌ kuꞌun ñuꞌunꞌ ya̱ stúúnꞌ ni̱ꞌ iniꞌ ánímaꞌ ñɨvɨ vá ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Jee kuniꞌ rán ya̱ naáꞌ jee ya̱ naáꞌ vá nakani núne‑e ránoꞌó ―nkachiꞌ Jesús.

Saájee nkachiꞌ Jesús nu̱u̱nꞌ rá ñɨvɨ Israel ya̱ nínuꞌ iniꞌ ráa re̱ꞌ: ―Retú kɨꞌɨ ni̱ꞌin rán nu̱u̱nꞌ rá tu̱ꞌun ya̱ xínéꞌénꞌ ni̱ꞌ ránoꞌó, saájee kúvi nijia rán ñɨvɨ ya̱ súkuáꞌa ni̱ꞌ ránoꞌó.

Saájee, retú nuꞌuꞌ ya̱ kúvi ni̱ꞌ Se̱ꞌya Ndiosíꞌ, nakani núne ni̱ꞌ ránoꞌó kene rán xi̱ntíín kua̱chi rán, jee nakui̱ñɨ̱ꞌ núne nijia rán xi̱ntíín kua̱chi rán.

Jee íchí yɨ́tuvi ráa kákáꞌánꞌ ráa jíkátu̱ꞌún ráa re̱ꞌ. Jee nna̱kuiñɨꞌ re̱ꞌ, jee nkachiꞌ re̱ꞌ nu̱u̱nꞌ ráa: ―Retú ɨɨn ránoꞌó ntu íyó kua̱chi nú, jee xíꞌnañúꞌún noꞌó kuun nú yu̱u̱ꞌ ña ―nkachiꞌ Jesús.

Jee nna̱xiníkó Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ ránoꞌó, ya̱ nta̱ká rá ñɨvɨ ya̱ saꞌá kua̱chi, jee yɨ́ꞌɨ́ ráa xi̱ntíín kua̱chi kuéntáꞌ ɨɨn musúꞌ kéꞌen ñɨvɨ.

Jee nnakui̱ñɨ̱ꞌ nichiꞌ Jesús jee nkachiꞌ re̱ꞌ nu̱u̱nꞌ ña: ―Ñaꞌan, ¿né núꞌ íyó rá ñɨvɨ ya̱ káꞌánꞌ si̱kɨ̱ꞌ nú? ¿Á ni̱ꞌ ɨɨn ráa ntu síjíta ráa noꞌó rúja? ―nkachiꞌ Jesús. Jee nkachiꞌ ña: ―Ni ɨɨn ráa, kátáta. Saájee nkachiꞌ Jesús nu̱u̱nꞌ ña: ―Ni nuꞌuꞌ ntu síjíta ni̱ꞌ nó. ¡Kuáꞌán, jee koto sáꞌá nú ka̱ꞌ kua̱chi! ―nkachiꞌ Jesús.