Popular Bible Verses from Lucas 1

Share

Chi nu̱u̱nꞌ Ndiosíꞌ ni ɨɨn ntu̱né íyó ya̱ ntu kúvi saꞌá re̱ꞌ maa ―nkachiꞌ najiáꞌáꞌ ííꞌ vá.

Saájee nkachiꞌ María: ―Yaꞌá íyó ni̱ꞌ kuéntáꞌ ɨɨn musúꞌ nu̱u̱nꞌ I̱toꞌoꞌ ni̱ꞌ, jee kuvi jín nuꞌuꞌ sánikua̱ꞌ nkachiꞌ nú ―nkachiꞌ ña. Saájee nkuiyo najiáꞌáꞌ ííꞌ vá nu̱u̱nꞌ ña kua̱ꞌa̱nꞌ‑a.

Jee nna̱xiníkó najiáꞌáꞌ ííꞌ vá nu̱u̱nꞌ ña: ―Ta̱chi̱ꞌ Ííꞌ kiji‑i nu̱u̱nꞌ noꞌó, jee kiji fuersáꞌ níꞌin níso maá Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ jee kenta‑a kikasɨꞌ kátɨ́‑ɨ noꞌó jee saꞌá‑a tiñu a̱nasɨ́ jín noꞌó. Jee saáva te̱e lúlí i̱i̱ꞌ ya̱ kaku vá kuna̱ní‑i Se̱ꞌya Ndiosíꞌ.

¡Na̱ ka̱ꞌ netuꞌ ka̱ꞌ kúvi nú ya̱ ni̱nu̱ꞌ iniꞌ nú chi sikúnkuvi I̱toꞌoꞌ‑ó Ndiosíꞌ ya̱ nkachiꞌ re̱ꞌ nu̱u̱nꞌ nú! ―nkachiꞌ Elisabet.

Jee kuniꞌ nú chi nanise̱ꞌya nú, jee koo ɨɨn se̱ꞌya yɨ́ɨ́ nú, jee sikúnání nú maa Jesús. Jee kuñáꞌnú re̱ꞌ, jee kuna̱ní re̱ꞌ Se̱ꞌya Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ. Jee saꞌá I̱toꞌoꞌ‑ó Ndiosíꞌ ya̱ tatúníꞌ re̱ꞌ, kuéntáꞌ kua̱ꞌ nta̱túníꞌ David ya̱ kúvi tátáꞌ jííꞌ ichiyúkúnꞌ re̱ꞌ. Jee tatúníꞌ‑i nɨ́ɨ́nkání nu̱u̱nꞌ rá ñɨvɨ ñuunꞌ Israel, jee ni nsáꞌ koo nu̱u̱nꞌ jínu tiñu tátúníꞌ‑i ―nkachiꞌ najiáꞌáꞌ ííꞌ vá.

Saájee nkachiꞌ najiáꞌáꞌ ííꞌ vá nu̱u̱nꞌ ña: ―María, koto yúꞌví nú, chi nni̱ꞌi̱nꞌ nú ya̱ váꞌa íyó mániꞌ iniꞌ Ndiosíꞌ néꞌyá re̱ꞌ noꞌó.