Popular Bible Verses from Lucas 8

Share

Soo rá nikɨn tataꞌ ya̱ ñákava nu̱u̱nꞌ ñu̱ꞌún váꞌa, suvi kúvi rá ñɨvɨ ya̱ jín ánímaꞌ na̱a̱ꞌ va̱ꞌa tésóꞌo ráa Tu̱ꞌun Ndiosíꞌ, jee chúꞌun iniꞌ ráa maa síkúnkuvi ráa maa jee kúníꞌin ráa jíjia ráa jín tu̱ꞌun vá jee suꞌva jiáꞌa tataꞌ sáꞌá.

Jee rá nikɨn ya̱ ñéteꞌ nteñu rá yu̱ku̱ꞌ iñu kúvi ráa rá ñɨvɨ ya̱ tésóꞌo ráa Tu̱ꞌun Ndiosíꞌ, soo nániꞌvɨꞌ iniꞌ ráa jie̱ꞌe̱ꞌ kue̱ꞌe̱ꞌ tiñu, jee kuíni ráa kukúká ráa, jee yɨ́tíñú ráa nu̱u̱nꞌ ya̱ sɨ́ɨ́ꞌ iniꞌ íyó iniꞌ ñɨ̱vɨ́ yaꞌá ni tékúꞌ ráa, jee sátéꞌéꞌ‑e ráa jee ntu jiáꞌnu ráa ntu jíjia iniꞌ ráa nu̱u̱nꞌ Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Jee rá nikɨn ya̱ ñákava ráa nu̱u̱nꞌ yúúꞌ kúvi ráa rá ñɨvɨ ya̱ sáá tésóꞌo ráa Tu̱ꞌun Ndiosíꞌ jee ne̱ kúsɨ́ɨꞌ iniꞌ ráa tɨ́ɨn ráa maa, soo ntu kúun yoꞌo tu̱ꞌun vá iniꞌ ánímaꞌ ráa chi ntu kúkutú ráa ntu kúníꞌin ráa jín‑i, chi yakuꞌ ni tiempúꞌ jínúꞌ iniꞌ ráa maa. Chi sáá kenta táꞌán ráa tu̱nóꞌó, jee níkóyátá iniꞌ ráa nu̱u̱nꞌ tu̱ꞌun vá.

Jee nkachiꞌ re̱ꞌ nu̱u̱nꞌ ráa: ―¿Né núꞌ íyó ya̱ kúneí iniꞌ ránú nuꞌuꞌ rúja? ―nkachiꞌ re̱ꞌ. Soo nyu̱ꞌví ráa jee nti̱vɨ́ xíniꞌ ráa jee nkachiꞌ ɨɨn inka ráa: ―¿Na̱ te̱e ka̱ꞌ kúvi te̱e yaꞌá, ya̱ ne̱ nu̱u̱nꞌ rá ta̱chi̱ꞌ víjin jín nu̱u̱nꞌ nute tátúníꞌ re̱ꞌ, jee káníjiá ráa maa? ―nkachiꞌ ráa.

Rá nikɨn ñákava yuíchí kúvi rá ñɨvɨ ya̱ tésóꞌo ráa Tu̱ꞌun Ndiosíꞌ, soo kenta máá maá kui̱ꞌna̱ꞌ jee síyo‑o tu̱ꞌun vá ánímaꞌ ráa, sáva nsáꞌ i̱nu̱ꞌ iniꞌ ráa tu̱ꞌun vá jee sáva nsáꞌ nene ráa nu̱u̱nꞌ kua̱chi ráa nsáꞌ nanitáꞌvíꞌ ráa.

Chi ntáká tiñu sú yɨ́séꞌí‑i, jee kenta nu̱nijínꞌ natu̱vi nu̱u̱nꞌ rá ñɨvɨ, jín suni ntáká tiñu ya̱ íyó yuꞌuꞌ, ya̱ kenta kukáꞌnú iniꞌ ñɨvɨ ñuꞌunꞌ vá.

Saájee sáá niniꞌ ña ya̱ ntu kúvi kuyuꞌuꞌ ña nu̱u̱nꞌ Jesús, jee ne̱ kísɨ yɨkɨ ña ña̱kui̱ñɨ̱ꞌ ítɨ́ ña ña̱xin ña maáña nu̱u̱nꞌ re̱ꞌ, jee ichinúúnꞌ ntáká rá ñɨvɨ kue̱ꞌe̱ꞌ vá nna̱kani ña na̱ jie̱ꞌe̱ꞌ kúvi ya̱ nsi̱jíkɨ́nꞌ ña naꞌá ña re̱ꞌ jín jie̱ꞌe̱ꞌ ya̱ nnuvi ña máá hora yukuán. Saájee nkachiꞌ Jesús nu̱u̱nꞌ ña: ―Se̱ꞌya sɨ́ꞌɨ́, jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ, jee nxi̱núvi ni̱ꞌ noꞌó. Kuáꞌán va̱ꞌa ne̱ va̱ꞌa kuvi iniꞌ ánímaꞌ nú.

Saájee rá te̱e ña̱xinóto ráa re̱ꞌ, jee nkachiꞌ ráa: ―¡Mestrúꞌ! ¡Mestrúꞌ! ¡Kuviꞌ‑ó! ―nkachiꞌ ráa. Jee nnoto re̱ꞌ jee nnu̱xeenꞌ re̱ꞌ nu̱u̱nꞌ ta̱chi̱ꞌ sa̱vi jín nu̱u̱nꞌ jísóꞌ nute jee ña̱kui̱ñɨ̱ꞌ ráa jee níín nkuvi‑i.