Popular Bible Verses from Marcos 1

Share

Jee nikɨ́n xá nnako̱o Jesús jee nkene‑e kua̱ꞌa̱nꞌ‑a nu̱u̱nꞌ ntu̱ví ñɨvɨ sáva kaꞌanꞌ‑a jín Ndiosíꞌ.

jee nkachiꞌ re̱ꞌ: ―Ya nkenta ki̱vɨ̱ꞌ ñani Ndiosíꞌ, ya̱ va̱kuyatin ya̱ tátúníꞌ Ndiosíꞌ nu̱u̱nꞌ ñɨvɨ. Nakani iniꞌ rán jee i̱nu̱ꞌ iniꞌ rán tu̱ꞌun váꞌa Ndiosíꞌ, naní evangelio.

Ni kua̱kene Jesús nu̱u̱nꞌ nute, kuísá niniꞌ re̱ꞌ ya̱ nine antivɨ́ nu̱u̱nꞌ nééꞌ Ndiosíꞌ, jee Ta̱chi̱ꞌ Ííꞌ Ndiosíꞌ va̱ji nkuun nu̱u̱nꞌ re̱ꞌ kuéntáꞌ ɨɨn paloma. Jee nkaꞌanꞌ ɨɨn ta̱chi̱yuꞌú ne̱ súkún jee nkachiꞌ‑i: ―Noꞌó kúvi Se̱ꞌya ni̱ꞌ jee ñúnúunꞌ ni̱ꞌ nó jee kúváꞌa víꞌí iniꞌ ni̱ꞌ néꞌyá ni̱ꞌ noꞌó.

Suvini̱ꞌ nsi̱kuánuté ránoꞌó jín nute, soo maáréꞌ sikuánuté re̱ꞌ ránoꞌó jín Ta̱chi̱ꞌ Ííꞌ Ndiosíꞌ sáva kɨꞌɨ‑ɨ ánímaꞌ rán ―nkachiꞌ Juan.

Jee nkachiꞌ Jesús nu̱u̱nꞌ ráa: ―Kunikɨnꞌ rán kutáꞌán rán jín nuꞌuꞌ. Jee saꞌá ni̱ꞌ ránoꞌó te̱e, ya̱ stútú rán rá ñɨvɨ ki̱vɨ ráa naꞌá Ndiosíꞌ, kua̱ꞌ tɨ́ɨn rán tia̱ká ntañúꞌún ―nkachiꞌ re̱ꞌ nu̱u̱nꞌ ráa. Jee ntañúꞌún kuitɨꞌ nxi̱nóo ráa ñunu yúꞌvé ráa, jee nchi̱nikɨnꞌ ráa re̱ꞌ.

Jee nti̱vɨ́ xá xíniꞌ rá ñɨvɨ jie̱ꞌe̱ꞌ rá tu̱ꞌun xínéꞌénꞌ re̱ꞌ ráa, chi xínéꞌénꞌ re̱ꞌ kuéntáꞌ ɨɨn ya̱ nísotíñú, jee kúvi tátúníꞌ re̱ꞌ nu̱u̱nꞌ‑ó, ntu̱ví kuéntáꞌ xínéꞌénꞌ rá mestrúꞌ naní escriba ya̱ xínéꞌénꞌ ráa tu̱ꞌun tátúníꞌ Ndiosíꞌ ya̱ ntee Moisés ne̱ yanaꞌán.