Popular Bible Verses from लूक 11

Share

त तुमी वाईट हुईसन, आपला पोरस्ले चांगल्या वस्तू देवाना देखतस, त तुमना स्वर्ग मधला बाप आपला मांगनारस्ले पवित्र आत्मा काब नई देवाव?”

पण मी तुमले सांगस, कि “मांगा त तुमले देवामा ईन, झामला त तुमले भेटीन, वाजाळा त तुमना साठे उघाळामा ईन.

कारण कि जो कोणी मांगस, तेले भेटस, आणि जो झामलस, तेले सापडस, आणि जो ठोकस, तेना साठे उघडामा ईन.

आणि तेनी तेस्ले सांग, “जव तुमी प्रार्थना करश्यात, त ह्या प्रकारे करा, ओ आमना स्वर्ग मधला बाप, तुना पवित्र नाव ना आदर करामा येवो. तुना राज्य येवो.

आणि आमना पापस्ले माफ कर, कारण कि आमी बी आपला सर्वा अपराधीस्ले माफ करतस, आणि आमले परीक्षा मा नको लयजो. पण सैतान पासून आमले वाचाळ.”

आम्हनी दिन भर नि भाकर आज आमले देत जा.

तुना डोया शरीर साठे एक दिवा ना सारखा शेतस, एनासाठे कदी तुना डोया चांगला शेतस, तव तुना सर्वा शरीर उजळ हुईन. पण जव त्या वाईट शेतस, त तुना शरीर बी अंधकारमय शे.

“कोणी बी एक दिवाले पेटाळीसन कटोरा ना खाले नई ठेवस, पण तेले दिवठणीवर ठेवामा एस कि मधमा येनारस्ले उजाया भेटो.