Popular Bible Verses from Deuteronomium 11

Share

Leer dit vir julle kinders deur daaroor te praat wanneer jy in jou huis sit en op pad is, wanneer jy gaan lê en wanneer jy opstaan.

“ Koester hierdie woorde van my met hart en siel. Bind dit as 'n teken om julle hande en laat dit versierings op julle voorkoppe wees.

“ As julle goed luister na my gebooie wat ek vandag vir julle voorskryf, naamlik om die HERE julle God lief te hê en Hom te dien met julle hele hart en julle hele wese, dan sê die HERE, ‘Ek sal die reën van julle land op tyd gee, die vroeë en die laatreëns, sodat jy jou koring en jou •nuwe wyn en olie kan insamel.

“ Jy moet die HERE jou God liefhê en die verpligtinge wat Hy oplê, altyd nakom – sy vaste voorskrifte, sy beslissings en gebooie.

“ Kyk, ek hou vandag seën en vloek aan julle voor: die seën wanneer julle luister na die gebooie van die HERE julle God wat ek vandag vir julle voorskryf, en die vloek as julle nie luister na die gebooie van die HERE julle God nie, maar afwyk van die pad wat ek julle vandag beveel, deur agter ander gode wat julle nie geken het nie, aan te loop.

Skryf dit op die deurkosyne van jou huis en op jou stadspoorte, sodat julle en julle kinders baie jare lank kan leef op die grond wat die HERE met 'n eed aan julle voorvaders beloof het om aan hulle te gee, so baie as wat die jare van die hemelruim bo die aarde is.

“ Wees versigtig dat julle harte nie verlei word en julle wegdraai en ander gode dien en in aanbidding voor hulle buig nie.